വിനോദം
സണ്ണി ലിയോൺ മലയാളം വെബ് സീരിസിൽ; ‘പാൻ ഇന്ത്യൻ സുന്ദരി’ക്കായി താരം കേരളത്തില്‍
ബോളിവുഡ് നടി സണ്ണി ലിയോൺ മലയാളം വെബ്ബ് സീരിസിൽ അഭിനയിക്കുന്നു. ഇന്ത്യയിലെ പ്രമുഖ ബിസിനസ് ഗ്രൂപ്പായ ഹൈറിച്ചിന്റെ എച്ച് ആർ ഒടിടിയിലൂടെ പ്രദർശനത്തിന് എത്തിക്കുന്ന ‘പാൻ ഇന്ത്യൻ സുന്ദരി’ എന്ന വെബ് സീരിസിലാണ് സണ്ണി ലിയോൺ അഭിനയിക്കുന്നത്. എച്ച്.ആർ പ്രൊഡക്ഷൻസിന്റെ ബാനറിൽ ശ്രീന പ്രതാപൻ നിർമ്മിക്കുന്ന ‘പാൻ ഇന്ത്യൻ സുന്ദരി’യുടെ കഥയും സംവിധാനവും നിർവഹിക്കുന്നത് സതീഷാണ്.
മലയാളത്തിലെ ആദ്യ ബിഗ് ബജറ്റ് കോമഡി ആക്ഷന്‍ ത്രില്ലര്‍ സീരിയസ് ആണിത്. അപ്പാനി ശരത്തും മാളവികയും നായികാ നായകന്മാരാകുന്നത്.മണിക്കുട്ടന്‍, ജോണി ആന്റണി, ജോണ്‍ വിജയ്, ഭീമന്‍ രഘു, സജിത മഠത്തില്‍, കോട്ടയം രമേശ് ,അസീസ് നെടുമങ്ങാട്, ഹരീഷ് കണാരന്‍, നോബി മര്‍ക്കോസ് തുടങ്ങിയ താരങ്ങളും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
മലയാളം തമിഴ് കന്നഡ തെലുങ്ക് ഹിന്ദി ഭാഷകളിലായി HIGHRICH HR OTTയിലൂടെയാണ് റിലീസ്.രവിചന്ദ്രന്‍ ഛായാഗ്രഹണവും അഭിലാഷ് ബാലചന്ദ്രന്‍ എഡിറ്റിങ്ങും നിര്‍വഹിക്കുന്നു.ശ്യാം പ്രസാദാണ് സംഗീതം ഒരുക്കിയിരിക്കുന്നത്.ബാക്ക്ഗ്രൗണ്ട് മ്യുസിക് ഗോപി സുന്ദര്‍.നേരത്തെ സണ്ണി ലിയോണി മമ്മൂട്ടി ചിത്രത്തിലെ ഒരു ഐറ്റം സോംഗില്‍ അഭിനയിച്ചിരുന്നു. ‘മധുര രാജ’യിലെ ‘മോഹ മുന്ദിരി’ എന്ന ഗാനത്തിലാണ് സണ്ണി അഭിനയിച്ചത്. ഈ ഗാനവും സണ്ണി ലിയോണിയുടെ ഡാന്‍സുമൊക്കെ സോഷ്യല്‍ മീഡിയയില്‍ തരംഗമായി മാറിയിരുന്നു. ഇപ്പോഴിതാ സണ്ണി ലിയോണിയുടെ വെബ് സീരീസിലും താരം മുഴുനീള വേഷത്തിലെത്തുകയാണ്.
