സോഷ്യൽ ഫോറസ്ട്രി ചെങ്ങന്നൂർ റേഞ്ചിൻ്റെ നേതൃത്വത്തിൽ പരിസ്ഥിതി ദിനാചരണം

സോഷ്യൽ ഫോറസ്ട്രി ചെങ്ങന്നൂർ റേഞ്ചിൻ്റെ നേതൃത്വത്തിൽ താമരക്കുളം വി. വി. എച്ച്. എസ്. എസിൽ പരിസ്ഥിതി ദിനാചരണം. പരിപാടിയുടെ ഉത്ഘാടനം സ്കൂൾ വളപ്പിൽ ഫലവൃക്ഷത്തൈ നട്ടു കൊണ്ട് മാവേലിക്കര എംഎൽഎ ശ്രീ. എംഎസ് അരുൺകുമാർ നിർവ്വഹിച്ചു.

താമരക്കുളം ഗ്രാമപഞ്ചായത്ത് പ്രസിഡന്റ് ശ്രീ.ജി. വേണു അദ്ധ്യക്ഷനായി,സെക്ഷൻ ഫോറസ്റ്റ് ഓഫീസർ ശ്രീ. ജി. രാധാകൃഷ്ണൻ സ്വാഗതം ആശംസിച്ചു. വൃക്ഷത്തൈ വിതരണോത്ഘാടനം ചുനക്കര ഗ്രാമപഞ്ചായത്ത് പ്രസിഡന്റ് ശ്രീ. കെ. ആർ അനിൽകുമാർ നിർവ്വഹിച്ചു.

സ്കൂൾ മാനേജർ ശ്രീമതി.പി. രാജേശ്വരി പരിസ്ഥിതി ദിന സന്ദേശം നല്കി. റേഞ്ച് ഓഫീസർ ശ്രീ. പി. കെ രാജേഷ് മുഖ്യ പ്രഭാഷണം നടത്തി, താമരക്കുളം വി.വി.എച്ച്.എസ്.എസിന് വിദ്യാവനം പദ്ധതി അനുവദിച്ചതായി റേഞ്ച് ഓഫീസർ അറിയിച്ചു.

വിദ്യാലയത്തിൽ 5 സെന്റ് സ്ഥലത്താണ് വിദ്യാവനം നിർമ്മിക്കുന്നത്. ശ്രീ.വി. കെ രാധാകൃഷ്ണൻ, പിടിഎ പ്രസിഡന്റ് ശ്രീ. എംഎസ് സലാമത്ത്, പ്രിൻസിപ്പൽ ശ്രീമതി. ജിജി. എച്ച്. നായർ, ഹെഡ്മിസ്ട്രസ് ശ്രീമതി.സുനിത. ഡി. പിളള, ഡപ്യൂട്ടി എച്ച്. എം ശ്രീ. എ. എൻ ശിവപ്രസാദ്, സ്റ്റാഫ് സെക്രട്ടറി ശ്രീ. സി. എസ് ഹരികൃഷ്ണൻ, സ്കൗട്ട് & ഗൈഡ്സ് കായംകുളം ഉപജില്ലാ സെക്രട്ടറി ശ്രീ.എസ്. അഭിലാഷ് കുമാർ,ശ്രീ.സി.ആർ.ബിനു,പരിസ്ഥിതി ക്ലബ് കോർഡിനേറ്റർ ശ്രീ.ശാന്തി തോമസ് എന്നിവർ പങ്കെടുത്തു.