കേരളം
കരകവിഞ്ഞൊഴുകുന്ന കനാലിലേക്ക് സ്കൂൾ ബസ് മറിഞ്ഞു; 20 വിദ്യാർത്ഥികൾക്ക് പരിക്ക്
![palakkad school bus.jpg](https://citizenkerala.com/wp-content/uploads/2024/07/palakkad-school-bus.jpg)
പാലക്കാട് ആലത്തൂരിൽ സ്കൂൾ ബസ് മറിഞ്ഞ് അപകടം. എഎസ്എംഎം ഹയർസെക്കൻഡറി സ്കൂളിലെ ബസാണ് മറിഞ്ഞത്. ആലത്തൂർ കാട്ടുശ്ശേരിയിൽ വച്ചായിരുന്നു അപകടം.
സ്കൂൾ വിട്ട് മടങ്ങുന്നതിനിടെ വഴിയരികിലെ കനാലിലേക്ക് ബസ് മറിയുകയായിരുന്നു. 20 വിദ്യാർത്ഥികളായിരുന്നു ബസിലുണ്ടായിരുന്നത്. തുടർന്ന് നാട്ടുകാരും അഗ്നിശമന സേനയും ചേർന്ന് കുട്ടികളെ ബസിൽ നിന്ന് പുറത്തെടുത്തു. പരിക്കേറ്റ വിദ്യാർത്ഥികളെ ആശുപത്രിയിൽ പ്രവേശിപ്പിച്ചതായി നാട്ടുകാർ പറഞ്ഞു. ഇവരുടെ പരിക്ക് ഗുരുതരമല്ല.
പ്രദേശേത്ത് ശക്തമായ മഴയും കാറ്റും നിലനിൽക്കുന്ന സാഹചര്യമാണുള്ളത്. കനാൽ കരവിഞ്ഞൊഴുകിയിരുന്നു. ഇതിലേക്കാണ് ബസ് മറിഞ്ഞത്. വൻ അപകടം ഒഴിവായത് തലനാരിഴയ്ക്കാണെന്നും പ്രദേശവാസികൾ പറഞ്ഞു.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement