കേരളം
സനൂപ് വധക്കേസ്: മുഖ്യപ്രതി നന്ദന്‍ പിടിയില്‍
തൃശ്ശൂര്‍: സനൂപ് വധക്കേസില്‍ മുഖ്യ പ്രതി നന്ദനെ പോലീസ് പിടികൂടി. നന്ദനാണ് സനൂപിനെ കുത്തിയതെന്ന് നേരത്തെ വ്യക്തമായിരുന്നു. തൃശ്ശൂര്‍ ജില്ലയിലെ ഒളിസങ്കേതത്തില്‍ നിന്നാണ് ഇയാളെ അന്വേഷണ സംഘം പിടികൂടിയത്. കൊലപാതകം നടന്ന രാത്രി തന്നെ പ്രതികളായ നന്ദന്‍, ശ്രീരാഗ്, സതീഷ്, അഭയരാജ് എന്നിവര്‍ ചിറ്റിലങ്ങാട്ട് നിന്ന് മുങ്ങിയിരുന്നു. പിന്നീട് നന്ദനെ തൃശൂര്‍ ജില്ലയിലെ ചിലയിടങ്ങില്‍ കണ്ടതായി പോലീസിന് വിവരം ലഭിച്ചിരുന്നു. നന്ദന്‍ രണ്ടുമാസം മുമ്പാണ് ഗള്‍ഫില്‍ നിന്ന് നാട്ടിലെത്തിയത്. സനൂപിനെ കൊല്ലണമെന്ന ഉദേശ്യത്തോടെ തന്നെയാണ് നന്ദന്‍ കുത്തിയതെന്നാണ് എഫ്.ഐ.ആര്‍. സനൂപിനെ കുത്തുകയും തലയ്ക്കടിച്ച് വീഴ്ത്തുകയും ചെയ്തത് നന്ദനാണ്. തൃശ്ശൂര്‍ ചിറ്റിലങ്ങാട് ഞായറാഴ്ച രാത്രി 10.30ന് ഇരു വിഭാഗങ്ങള്‍ തമ്മിലുണ്ടായ സംഘര്‍ഷത്തിലാണ് പുതുശ്ശേരി ബ്രാഞ്ച് സെക്രട്ടറി സനൂപിന് കുത്തേറ്റത്. കുന്നംകുളത്തിനടുത്തുള്ള ഇയാലെന്ന സ്ഥലത്തുവെച്ചാണ് സംഘര്‍ഷമുണ്ടായത്. സംഭവ സ്ഥലത്തു വെച്ച് തന്നെ സനൂപ് മരിച്ചു. മൂന്നുപേര്‍ക്ക് സംഘര്‍ഷത്തില്‍ പരിക്കേറ്റിട്ടുണ്ട്. ജിതിന്‍, വിബിന്‍, ഇവരുടെ സുഹൃത്ത് എന്നിവര്‍ക്കാണ് പരിക്കേറ്റത്….
