കേരളം
തൊഴിൽരഹിതർക്കായി ഒരു സുവർണ്ണാവസരം; സൗജന്യ തൊഴിൽമേള മാർച്ച് 5, 6 തീയതികളിൽ
കേന്ദ്ര തൊഴിൽ മന്ത്രാലയവും കൊച്ചി ആസ്ഥാനമായി പ്രവർത്തിക്കുന്ന സൊസൈറ്റി ഫോർ ഇന്റഗ്രേറ്റഡ് ഗ്രോത്ത് ഓഫ് ദി നേഷൻ (സൈൻ) നും സംയുക്തമായി ചേർന്ന് ഓൺലൈൻ തൊഴിൽ മേളയ്ക്ക് രൂപം കൊടുക്കുകയാണ്. 2021 മാർച്ച് 5, 6 തീയതികളിലായാണ് ഓൺലൈൻ തൊഴിൽ മേള നടക്കുന്നത്. നിലവിൽ 30 ലധികം കമ്പനികളിൽ നിന്നായി 3000 ത്തോളം വേക്കൻസികളാണ് റിപ്പോർട്ട് ചെയ്തിരിക്കുന്നത്.
കൊറോണയുടെ കാലയളവിൽ രാജ്യത്ത് എമ്പാടുമുള്ള ആളുകൾ പ്രത്യേകിച്ച് വിദേശ മലയാളികളായ ആളുകൾ ഉൾപ്പെടെയുള്ളവർക്ക് അവരുടെ ജീവിതത്തിൽ ഉണ്ടായിട്ടുള്ള മാറ്റങ്ങൾ, തൊഴിൽ പരമായുണ്ടായ മാറ്റങ്ങൾ ഒക്കെ അടിസ്ഥാനപ്പെടുത്തി എല്ലാവർക്കും തൊഴിൽ എന്ന ലക്ഷ്യത്തോടുകൂടിയാണ് വിവിധ മന്ത്രാലയങ്ങളുമായി സഹകരിച്ചുകൊണ്ട് ഇത്തരമൊരു ഒരു ഓൺലൈൻ തൊഴിൽ മേളയ്ക്ക് രൂപം നൽകിയിരിക്കുന്നത്.
കേരള ചേംബർ ഓഫ് കോമേഴ്സ് ഇൻഡസ്ട്രി, സൊസൈറ്റി ഫോർ ഇന്റഗ്രേറ്റഡ് ഗ്രോത്ത് ഓഫ് ദി നേഷൻ (സൈൻ), നേഷൻ ഫസ്റ്റ് മൂവ്മെന്റ്, ജെ‌സി‌ഐ സോൺ XXII, കെ‌സി‌സി‌ഐ, ബിഗ്ലീപ്പ് എന്നീ സംഘടനകളും ഈ ഓൺലൈൻ തൊഴിൽ മേള സംഘടിപ്പിക്കുന്നതിനായി സഹകരിക്കുന്നുണ്ട്.
കഴിഞ്ഞ മൂന്നുവർഷ കാലയളവിനുള്ളിൽ 28 ഓളം തൊഴിൽ മേളകളിലായി ലക്ഷക്കണക്കിന് ആളുകൾ പങ്കെടുക്കുകയും 85000 ത്തോളം ആളുകൾക്ക് ഷോർട്ട് ലിസ്റ്റ് ഉണ്ടാക്കി അവർക്ക് തൊഴിലിന് അനുസൃതമായി ഒരു അവസരം നേടി കൊടുക്കാനും സൈനിന് സാധിച്ചു.
പ്രമുഖ ബാങ്കുകൾ (ആക്സിസ് ബാങ്ക്, പിഎൻബി മെറ്റ് ലൈഫ്, പേയ്ടിഎം, ഫ്ലൈ ടു സ്കൂൾ, സതർ‌ലാൻ‌ഡ് ഗ്ലോബൽ, ജെ‌ബി‌എം ഓട്ടോ ലിമിറ്റഡ്, കാലിപ്‌സോ, രാകുതൻ, ബ്രോഡ്‌വേ പബ്ലിക് സ്കൂൾ, ബുക്ക്‌ മൈടിം, ഗാർഡൻ മാസ്റ്റർ തുടങ്ങിയ 20 ഓളം ബാങ്കുകൾ), സ്വകാര്യ സ്ഥാപനങ്ങളും, അർദ്ധ സർക്കാർ സ്ഥാപനങ്ങമടക്കമുള്ള നിരവധി തൊഴിൽ ദാതാക്കൾ ഉദ്യോഗാർത്ഥികളെ തിരഞ്ഞെടുക്കുന്നതിനായി സൈറ്റിൽ രജിസ്റ്റർ ചെയ്തിട്ടുണ്ട്.
ഇനിയും തൊഴിൽ അന്വേഷകൾക്കും തൊഴിൽ ദാതാക്കൾക്കും ഓൺലൈൻ തൊഴിൽ മേളയിൽ രജിസ്റ്റർ ചെയ്യാനാകും. ഐടി, ഐടിഇഎസ് ജോലികൾ, എഞ്ചിനീയറിംഗ് ജോലികൾ, സെയിൽസ് & മാർക്കറ്റിംഗ്, ടീച്ചേഴ്സ് & കോച്ചുകൾ, മീഡിയ ജോലികൾ, അകൗണ്ടുകളും ധനകാര്യവും, നിർമാണ മേഖലകൾ, ഉപഭോക്തൃ പിന്തുണ, ടെലി കോളിംഗ് തുടങ്ങിയ നിരവധി സെക്ടറുകളിലേയ്ക്കാണ് ഉദ്യോഗാർത്ഥികൾക്കായി അവസരം ഒരുക്കിയിരിക്കുന്നത്. രജിസ്ട്രേഷൻ നടപടികൾ തീർത്തും സൗജന്യമായിരിക്കുമെന്നതാണ് ഇതിന്റെ മറ്റൊരു പ്രത്യേകത.
വിവിധങ്ങളായ തൊഴിൽ അന്വേഷകർക്ക് ഏറെ സഹായകമാകുന്ന ഈ പദ്ധതിയിൽ രജിസ്റ്റർ ചെയ്യാനായി www.rozgarmelaonline.com എന്ന വെബ്സൈറ്റ് സന്ദർശിക്കേണ്ടതാണ്. കൂടുതൽ വിവരങ്ങൾക്കായി 9496320663 എന്ന നമ്പറിലും ബന്ധപ്പെടാം.
