കേരളം
ദേശീയപാത അതോറിറ്റിക്ക് മന്ത്രിയുടെ മുന്നറിയിപ്പ്; അപകടങ്ങള്‍ ആവര്‍ത്തിച്ചാല്‍ കേസെടുക്കും
ദേശീയപാത അതോറിറ്റിക്ക് (NHAI) മുന്നറിയിപ്പുമായി റവന്യൂ മന്ത്രി കെ രാജന്‍. കഴിഞ്ഞ മഴക്കാലത്ത് ദേശീയപാതയില്‍ ഉണ്ടായതുപോലെ അപകടങ്ങള്‍ ആവര്‍ത്തിച്ചാല്‍ അധികൃതര്‍ക്കെതിരെ ദുരന്തനിവാരണ നിയമപ്രകാരം നടപടിയെടുക്കുമെന്ന് മന്ത്രി മുന്നറിയിപ്പ് നല്‍കി.
മണ്ണുത്തി-വാണിയംപാറ ദേശീയപാതയിലെ നിര്‍മാണ പ്രവൃത്തികള്‍ ദേശീയപാത അതോറിറ്റി പൂര്‍ത്തിയാക്കാത്ത സാഹചര്യത്തിലാണ് മന്ത്രി ഇക്കാര്യം വ്യക്തമാക്കിയത്. അറ്റകുറ്റപ്പണികളുടെ നിര്‍മ്മാണ പുരോഗതിയുമായി ബന്ധപ്പെട്ട് മാര്‍ച്ച് 16ന് രാവിലെ എട്ടിന് ദേശീയ പാതയില്‍ സംയുക്ത പരിശോധന നടത്തുമെന്നും അദ്ദേഹം വ്യക്തമാക്കി.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
