മഹിളാ കോൺഗ്രസ്സ് പ്രതിഷേധ സമരം നാളെ

കേന്ദ്ര സംസ്ഥാന സർക്കാരുകളുടെ സ്ത്രീവിരുദ്ധ നടപടികൾക്കെതിരെ, അഴിമതിക്കും അക്രമത്തിനും സ്വജനപക്ഷപാതത്തിനുമെതിരെ ഒക്ടോബർ പതിനാറാം തീയതി വെള്ളിയാഴ്ച രാവിലെ മുതൽ ഉച്ചവരെ മഹിളാ കോൺഗ്രസ്സ് സംസ്ഥാന വ്യാപകമായി പ്രതിഷേധ സത്യാഗ്രഹ സമരം നടത്തുന്നു.

കോവിഡ് പ്രോട്ടോകോൾ പാലിച്ചുകൊണ്ട്‌ അഞ്ചുപേരുടെ സംഘമായിട്ടാണ് മണ്ഡലം തലം മുതലുള്ള പ്രതിഷേധ പരിപാടി സംഘടിപ്പിക്കുന്നത് .    രാജ്ഭവന്റെ മുമ്പിൽ നടക്കുന്ന സംസ്ഥാന തല ഉദ്ഘാടനം കെ.പി.സി.സി അദ്ധ്യക്ഷൻ ശ്രീ മുല്ലപ്പള്ളി രാമചന്ദ്രൻ ഉദ്ഘാടനം ചെയ്യും.

അതത് മണ്ഡലങ്ങളിലെ സമര പരിപാടികൾക്ക് മഹിളാ കോൺഗ്രസ്സ് സംസ്ഥാന – ജില്ലാ – നിയോജക മണ്ഡലം – മണ്ഡലം നേതാക്കളും വനിതാ ജനപ്രതിനിധികളും നേതൃത്വം നൽകുമെന്നും സംസ്ഥാന പ്രസിഡന്റ്‌ ലതിക സുഭാഷ് അറിയിച്ചു.