കേരളം
തെരഞ്ഞെടുപ്പ്; കൊല്ലം ജില്ലയില്‍ പരിശോധനകള്‍ കര്‍ശനമാക്കി
കൊല്ലം ജില്ലയുടെ അതിര്‍ത്തികളിലുടനീളം മോട്ടോര്‍ വാഹന വകുപ്പിന്റേയും, എക്‌സൈസ്‌ വകുപ്പിന്റേയും സഹകരണത്തോടെ വാഹന പരിശോധന കര്‍ശനമാക്കി. നിയമസഭ തെരഞ്ഞെടുപ്പ് മുന്നൊരുക്കങ്ങളുടെ ഭാഗമായാണ് പരിശോധന കര്‍ശനമാക്കിയിരിക്കുന്നത്.
കൂടാതെ സംസ്ഥാന അതിര്‍ത്തി പങ്കിടുന്ന ആര്യങ്കാവ്, അച്ചന്‍കോവില്‍ എന്നിവിടങ്ങളിലെ ചെക്ക്‌ പോസ്റ്റുകളില്‍ തെങ്കാശി ജില്ലാ പൊലീസുമായി ചേര്‍ന്ന്‌ പരിശോധന ശക്തിപ്പെടുത്തും.
വിദഗ്‌ധ പരിശീലനം ലഭിച്ച പൊലീസ് നായയുടെ സേവനം അതിര്‍ത്തി ചെക്ക്‌ പോസ്റ്റുകളില്‍ ഉണ്ടായിരിക്കും. മതിയായ കാരണങ്ങളില്ലാതെയുള്ള അന്തര്‍ സംസ്ഥാന യാത്രകള്‍ നടത്തുന്നവരെ പ്രത്യേകം നിരീക്ഷിക്കുന്നതിനുള്ള സംവിധാനം ഏര്‍പ്പെടുത്തിയിട്ടുണ്ട്‌.
തെരഞ്ഞെടുപ്പ് നടക്കുന്ന ഏപ്രില്‍ 6വരെ പരിശോധന കര്‍ശനമായി തുടരാനാണ് ഉന്നതതല പൊലീസ് ഉദ്യോഗസ്ഥരുടെ തീരുമാനം.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
