ദേശീയം
രാജ്യത്ത് 42,015 പേർക്ക് കൊവിഡ്; 3998 മരണം
രാജ്യത്ത് 24 മണിക്കൂറിനിടെ 42,015 പേർക്കാണ് വൈറസ് ബാധ സ്ഥിരീകരിച്ചത്. പ്രതിദിന മരണവും കൂടി. ഇന്നലെ 3998 പേരാണ് വൈറസ് ബാധയെ തുടർന്ന് മരിച്ചത്. കഴിഞ്ഞ ദിവസങ്ങളിൽ ആയിരത്തിൽ താഴെയായിരുന്നു മരണം.
ഇന്നലെ 36,977 പേരാണ് രോഗമുക്തി നേടിയത്. നിലവിൽ 4.07 ലക്ഷം പേരാണ് ചികിത്സയിലുള്ളതെന്ന് കേന്ദ്രസർക്കാർ കണക്കുകൾ വ്യക്തമാക്കുന്നു. ടെസ്റ്റ് പോസിറ്റിവിറ്റി നിരക്ക് 2.27 ശതമാനമാണ്. കഴിഞ്ഞ 30 ദിവസവും ടെസ്റ്റ് പോസിറ്റിവിറ്റി നിരക്ക് ശരാശരി മൂന്ന് ശതമാനത്തിൽ താഴെയാണെന്നും സർക്കാർ കണക്കുകൾ വ്യക്തമാക്കുന്നു.
അതേ സമയം ലോകത്ത് കൊവിഡ് ബാധിതരുടെ എണ്ണം 19.22 കോടിയായി. നാല്പ്പത്തിയൊന്ന് ലക്ഷം പേര്ക്ക് ജീവന് നഷ്ടമായപ്പോള് 17.49 കോടി ആളുകള് രോഗത്തില് നിന്ന് മുക്തി നേടി. അമേരിക്കയിലാണ് ഏറ്റവും കൂടുതല് കൊവിഡ് മരണം റിപ്പോര്ട്ട് ചെയ്തത്. യുഎസില് 6.25 ലക്ഷം പേരാണ് മരിച്ചത്. മൂന്നര കോടിയിലധികം പേര്ക്ക് വൈറസ് ബാധ സ്ഥിരീകരിച്ചു.
മരണസംഖ്യയില് തൊട്ടുപിന്നില് ബ്രസീലാണ്. രാജ്യത്ത് 5.44 ലക്ഷം പേരാണ് മരിച്ചത്,ഇന്ത്യയില് കൊവിഡ് ബാധിതരുടെ എണ്ണം 3.12 കോടി പിന്നിട്ടു. നിലവില് 4.13 ലക്ഷം പേരാണ് ചികിത്സയിലുള്ളത്.97.31 ശതമാനമാണ് രാജ്യത്തെ രോഗമുക്തി നിരക്ക്.