ഭാര്യയെ കുത്തി പരിക്കേൽപ്പിച്ചു; പിന്നാലെ ജീവനൊടുക്കി ഭർത്താവ്

കോട്ടയത്ത് കുടുംബ വഴക്കിനെ തുടർന്ന് ഭർത്താവ് ഭാര്യയെ കുത്തിപ്പരിക്കേൽപ്പിച്ച ശേഷം ജീവനൊടുക്കി. അകലക്കുന്നം മറ്റക്കര കരിമ്പാനിയിൽ തച്ചിലങ്ങാട് കുഴിക്കാട്ട് വീട്ടിൽ സുരേന്ദ്രനാണ് (60) മരിച്ചത്. ഭാര്യ പുഷ്പമ്മയെ കുത്തി പരിക്കേൽപ്പിച്ച സുരേന്ദ്രനെ തൂങ്ങി മരിച്ച നിലയിലാണ് കണ്ടെത്തിയത്.

കുത്തേറ്റ പുഷ്പമ്മയെ നാട്ടുകാർ ആശുപത്രിയിൽ കൊണ്ടുപോകുന്നതിനിടെ സുരേന്ദ്രൻ ജീവനൊടുക്കുകയായിരുന്നു. എൽഐസി ഏജൻറായ സുരേന്ദ്രനും ഭാര്യ പുഷ്പമ്മയും മാത്രമാണ് വീട്ടുണ്ടായിരുന്നത്. മക്കൾ മറ്റൊരു വീട്ടിലാണ് താമസം. വഴക്കുണ്ടായതിനിടെ പ്രകോപിതനായ സുരേന്ദ്രൻ ഭാര്യയെ കുത്തുകയായിരുന്നു.