ദേശീയം
ഓണ്‍ലൈന്‍ ഗെയിം വഴി നഷ്ടമായതിൽ മനംനൊന്ത് യുവാവ് ജീവനൊടുക്കി
ഓണ്‍ലൈന്‍ ഗെയിം വഴി വന്‍തുക നഷ്ടമായ സങ്കടത്തില്‍ ഐടി കമ്ബനി ജീവനക്കാരനായ യുവാവ് ജീവനൊടുക്കി. ഹൈദരാബാദ് സ്വദേശിയായ 28കാരനെയാണ് വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തിയത്.ബംഗളൂരുവിലെ ഒരു ഐടി കമ്ബനിയില്‍ ജോലി ചെയ്യുന്ന യുവാവ് കോവിഡ് 19 ന്‍റെ സാഹചര്യത്തില്‍ നിലവില്‍ വര്‍ക്ക് ഫ്രം ഹോം സംവിധാനത്തിലാണ് ജോലി ചെയ്തിരുന്നത്. കഴിഞ്ഞ ദിവസമാണ് വീട്ടിലെ മുറിയില്‍ ഇയാളെ തൂങ്ങിമരിച്ച നിലയില്‍ കണ്ടെത്തുന്നത്. അമ്മ തന്നെയാണ് മകനെ ഇത്തരത്തില്‍ ആദ്യം കാണുന്നതും.
ഓണ്‍ലൈന്‍ ഗെയിം കളിച്ചത് വഴി ഇയാള്‍ വന്‍ ബാധ്യതകള്‍ വരുത്തിവച്ചിട്ടുണ്ടെന്നാണ് പൊലീസ് പറയുന്നത്. എന്നാല്‍ ഈ തുക എത്രയാണെന്ന കൃത്യവിവരം ഇതുവരെ സ്ഥിരീകരിച്ചിട്ടില്ല.ഓണ്‍ലൈന്‍ ഗെയിം മൂലം മകന് വന്‍ സാമ്ബത്തിക ബാധ്യതയുണ്ടായിരുന്നു എന്നാണ് മാതാപിതാക്കളും സംശയിക്കുന്നത്.
കടംവീട്ടാന്‍ കഴിയാതെ വന്നതാകാം ഇത്തരമൊരു കടുംകൈക്ക് മകനെ പ്രേരിപ്പിച്ചതെന്നും ഇവര്‍ പറയുന്നു.
