സംസ്ഥാനത്ത് സ്വർണവില കുറഞ്ഞു, വെള്ളിവിലയിലും മാറ്റം

സംസ്ഥാനത്ത് സ്വർണ വില കുറഞ്ഞു. പവന് 120 രൂപ കുറഞ്ഞ് ഒരു പവൻ സ്വർണത്തിന് 41,160 രൂപയായി മാറി. ഒരു ഗ്രാമിന് 5,145 രൂപയായി മാറി. രാജ്യാന്തര വിപണിയിൽ ട്രോയ് ഔൺസ് വില 1,872 ഡോളറിലാണ്. ഇന്നലെ സംസ്ഥാനത്ത് ഒരു പവൻ സ്വർണത്തിന് 41,280 രൂപയായിരുന്നു വില. ഗ്രാമിന് 5,160 രൂപയും. ഇതാണ് ഈ മാസത്തെ ഏറ്റവും ഉയർന്ന നിരക്ക്.

ജനുവരി ഒന്നിന് പവന് 40,480 രൂപയായിരുന്നു വില. ജനുവരി രണ്ടിന് 40,360 രൂപയായി വില കുറഞ്ഞിരുന്നു. ഇതാണ് ജനുവരിയിലെ ഏറ്റവും കുറഞ്ഞ നിരക്ക്. ചൈനയിൽ കൊവിഡ് കേസുകൾ ഉയരുന്ന സാഹചര്യത്തിൽ കൂടുതൽ നിക്ഷേപകർ സ്വർണത്തിലേക്ക് തിരിയുന്നതാണ് സ്വർണ വില കഴിഞ്ഞ ദിവസങ്ങളിൽ ഉയർത്തിയത്. കഴിഞ്ഞ വർഷം നിക്ഷേപം എന്ന നിലയിൽ സ്വർണം 15 ശതമാനം വരെ ശരാശരി നേട്ടം നൽകിയിരുന്നു. രാജ്യാന്തര വിപണിയിൽ ട്രോയ് ഔൺസ് വില ഡോളറിന് പുതുവർഷം 2,000 ഡോളർ കടക്കുമെന്ന് ഈ രംഗത്തെ വിദഗ്ധർ ചൂണ്ടിക്കാട്ടിയിരുന്നു.

ഡിസംബര്‍ 31ന് സംസ്ഥാനത്തെ സ്വര്‍ണ വില 40,480 രൂപയായി ഉയര്‍ന്നിരുന്നു. ഇതായിരുന്നു ഡിസംബറിലെ ഏറ്റവും ഉയർന്ന നിരക്ക്.ഡിസംബര്‍ ഒന്നിന് പവന് 39,000 രൂപയായിരുന്നു സ്വര്‍ണ വില. ഇത് ഡിസംബറിലെ ഏറ്റവും കുറഞ്ഞ നിരക്കായിരുന്നു. ജനുവരിയിൽ ഇതുവരെ സ്വർണ വിലയിൽ പവന് 680 രൂപയുടെ വർധന.

കേരളത്തിൽ, നവംബർ ഒന്നിന് സ്വർണ്ണവില പവന് 37,280 രൂപയായിരുന്നു. നവംബർ 17ന് ഒരു പവൻ സ്വർണ്ണത്തിന് ഒറ്റയടിക്ക് 600 രൂപ വർധിച്ച് 39,000 രൂപയായി. ഒരു ഗ്രാമിന് 75 രൂപ വർധിച്ച് 4,875 രൂപയുമായിരുന്നു. ഇത് നവംബറിലെ ഏറ്റവും ഉയർന്ന വിലയാണ്. നവംബർ നാലിന് വിലയിൽ വൻ ഇടിവുണ്ടായിരുന്നു. ഒരു പവന് 480 രൂപയും, ഒരു ഗ്രാമിന് 60 രൂപയുമാണ് കുറഞ്ഞത്. ഒരു പവന് 36,880 രൂപയും, ഒരു ഗ്രാമിന് 4610 രൂപയുമായിരുന്നു വില. ഇതാണ് നവംബറിലെ ഏറ്റവും കുറഞ്ഞ വില.

സംസ്ഥാനത്ത് വെള്ളിവിലയും കുറഞ്ഞു. ഒരു ഗ്രാം വെള്ളിക്ക് 73.70 രൂപയാണ് വില. എട്ട് ഗ്രാമിന് 599.20 രൂപയാണ് വില . 10 ഗ്രാമിന് 737 രൂപയാണ് വില. 1 കിലോ വെള്ളിക്ക് 73,700 രൂപയാണ് വില.