ഇന്ധന വില ഇന്നും വർധിച്ചു

തുടർച്ചയായ മൂന്നാം ദിവസവും ഇന്ധന വില വർധിപ്പിച്ചു. പെട്രോളിന് 35 പൈസയും ഡീസലിന് 37 പൈസയുമാണ് കൂട്ടിയത്.

ഇതോടെ കൊച്ചിയിൽ പെട്രോളിന് 108.95 രൂപയായി. ഡീസലിന് 102.80 രൂപയും. തിരുവനന്തപുരത്ത് പെട്രോൾ വില 111.29 രൂപയായി. ഡീസലിന് 104.88 രൂപയും. കോഴിക്കോട് പെട്രോൾ വില 109.52 രൂപയും ഡീസലിന് 102.94 രൂപയുമായി.

ഒരു മാസത്തിന് ഇടയിൽ 9 രൂപയിൽ അധികമാണ് ഡീസലിന് വർധിച്ചത്. പെട്രോളിന് ഒരു മാസത്തിന് ഇടയിൽ വർധിച്ചത് ഏഴ് രൂപയും.