കോവിഡ് നാലാം തരം​ഗം ജൂലൈയിൽ; ഒക്ടോബർ വരെ നീളുമെന്ന് സൂചന

ഇന്ത്യയിൽ കോവിഡ് നാലാം തരം​ഗം ജൂൺ മാസത്തിൽ ഉണ്ടാകുമെന്ന് പ്രവചനം. ഐഐടി കാൻപുർ തയാറാക്കിയ പഠന റിപ്പോർട്ടിലാണ് നാലാം തരം​ഗത്തെക്കുറിച്ച് പ്രവചനമുള്ളത്. ഓ​ഗസ്റ്റിൽ ശക്തിപ്രാപിക്കുന്ന തരം​ഗം ഒക്ടോബർ വരെ നീണ്ടുപോകുമെന്നും പറയുന്നുണ്ട്.

ജൂൺ 22 ന് തുടങ്ങുന്ന നാലാം തരം​ഗം ഒക്ടോബർ 24 വരെ നീണ്ടുപോകുമെന്നാണ് റിപ്പോർട്ടിൽ സൂചിപ്പിക്കുന്നത്. ഓഗസ്റ്റ് 23ന് പാരമ്യത്തിലെത്തുമെന്നാണു പ്രവചനം. പൊതുവേ സ്ഥിതി രൂക്ഷമാകുമോയെന്ന ചോദ്യത്തിന് വ്യക്തമായ ഉത്തരമില്ല. മൂന്നാം തരം​ഗം രാജ്യത്ത് കാര്യമായ അപകടം സൃഷ്ടിക്കാതെ കടന്നുപോയതിന്റെ ആശ്വാസത്തിനിടെയാണ് പുതിയ റിപ്പോർട്ട്.