ദേശീയം
തമിഴ്‌നാട്ടില്‍ പടക്കനിര്‍മാണ ശാലയില്‍ പൊട്ടിത്തെറി; മൂന്ന് മരണം
തമിഴ്‌നാട്ടില്‍ അനധികൃതമായി പ്രവര്‍ത്തിച്ചുവന്ന പടക്കനിര്‍മാണ ശാലയിലുണ്ടായ പൊട്ടിത്തെറിയില്‍ മൂന്നുപേര്‍ മരിച്ചു. രണ്ടുപേര്‍ക്ക് ഗുരുതരമായി പരിക്കേറ്റു. ചെന്നൈയില്‍നിന്ന് 500 കിലോമീറ്റര്‍ അകലെ ശിവകാശിക്ക് സമീപം വിരുദുനഗര്‍ ജില്ലയിലെ തയ്യില്‍പ്പെട്ടിയിലാണ് അപകടമുണ്ടായത്.
മരിച്ചവരില്‍ രണ്ടുസ്ത്രീകളും ഒരു കുട്ടിയും ഉള്‍പ്പെടുന്നു. രക്ഷാപ്രവര്‍ത്തനം പുരോഗമിക്കുകയാണ്.
തമിഴ്‌നാട്ടിലെ വലിയ പടക്കനിര്‍മാണ കേന്ദ്രമാണ് ശിവകാശി. മലിനീകരണം സംബന്ധിച്ച 2018 ലെ സുപ്രിംകോടതി വിധി വരുന്നതിന് മുൻപ് അവിടെയുള്ള പടക്കനിര്‍മാണ യൂനിറ്റുകള്‍ ആയിരക്കണക്കിന് തൊഴിലാളികളെ നിയമിച്ചിരുന്നു.
ഇന്ത്യയിലെ പടക്കങ്ങളുടെ 90-95 ശതമാനം വിതരണം ചെയ്തിരുന്നത് മുന്‍കാലങ്ങളില്‍ ശിവകാശിയിലെ പടക്ക നിര്‍മാണ യൂനിറ്റുകളായിരുന്നു. ഇതുവഴി ഏകദേശം 800 ദശലക്ഷം രൂപയുടെ വരുമാനമാണ് അവര്‍ നേടിയിരുന്നത്.
