മാധ്യമ പ്രവർത്തകൻ ഷിജു രാജശില്പിക്ക് എതിരെ വധഭീഷണി

മാധ്യമപ്രവർത്തകൻ ഷിജു രാജശില്പിയ്ക്ക് നേരെ വധഭീഷണി. കേരള പത്രപ്രവർത്തക അസോസിയേഷൻ തിരുവനന്തപുരം ജില്ലാ സെക്രട്ടറി ഷിജു രാജശിൽപ്പിക്ക് നേരെ ആണ് (ജനം TV പ്രാദേശിക റിപ്പോർട്ടർ) മൈലക്കര സഞ്ചു എന്ന ക്രിമിനലിന്റെ വധഭീഷണി ഉണ്ടായിരിക്കുന്നത്. 8 മാസം മുമ്പാണ് ഇത് സംബന്ധിച്ച സംഭവം ഉണ്ടായത്.

മൈലക്കര സ്വർണ്ണംകോട് വീട്ടിൻ കിരൺ എന്ന വ്യക്തിയുടെ വീട്ടിൽ വാടകക്ക് താമസിച്ചിരുന്ന സ്ത്രീയോട് സഞ്ചു സാധനങ്ങളുമെടുത്ത് വീട് മാറണമെന്നാവശ്യപ്പെട്ട് ഭീഷണിപ്പെടുത്തുകയും പുരയിടത്തിൽ കൃഷി ചെയ്തിരുന്ന വാഴ കുലമുഴുവൻ വെട്ടിനശിപ്പിക്കുകയും ചെയ്തു. ഈ സംഭവം നെയ്യാർഡാം പോലീസ് കേസ്സായതിനെത്തുടർന്ന് ഷിജുരാജശിൽപ്പി വാർത്ത റിപ്പോട്ട് ചെയ്തു.

ഇതിൻ്റെ പേരിൽ രോഷാകുലനായ സഞ്ചു റിപ്പോർട്ടർ ഷിജു രാജശില്ലിയെ വിളിച്ച് അസഭ്യം പറഞ്ഞിരുന്നു ശേഷം വീണ്ടും ഈ മാസം 28- ന് ഫോണിൽ വിളിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തു, സംഭവത്തിൻ്റെ ഗൗരവം കണക്കിലെടുത്ത് ജില്ലാ സെക്രട്ടറി ഷിജുരാജശിൽപ്പി നെയ്യാർഡാം പോലീസിലും കേരള പത്രപ്രവർത്തക അസോസിയേഷൻ ഉന്നത പോലീസ് ഉദ്യോഗസ്ഥർക്കും പരാതി നൽകിയിട്ടുണ്ട്.

വിഷയത്തിൽ എത്രയും വേഗം നടപടി ഉണ്ടാകണമെന്ന് കേരള പത്ര പ്രവർത്തക അസോസിയേഷൻ സംസ്ഥാന കമ്മിറ്റി ആവശ്യപ്പെട്ടു, അതോടൊപ്പം സംഭവത്തിൽ കേരള പത്രപ്രവർത്തക അസോസിയേഷൻ ശക്തമായ പ്രതിഷേധം രേഖപ്പെടുത്തി.