സിയുഇടി യുജി ഫലം രാത്രി പത്തിന് പ്രസിദ്ധീകരിക്കും

കേന്ദ്ര സര്‍വകലാശാലകളിലെ ബിരുദ കോഴ്‌സുകളിലേക്കുള്ള പൊതു പ്രവേശന പരീക്ഷ (സിയുഇടി യുജി) ഫലം ഇന്നു രാത്രി പത്തിനു പ്രസിദ്ധീകരിക്കും. നാഷനല്‍ ടെസ്റ്റിങ് ഏജന്‍സി പത്തു മണിക്കു ഫലം പുറത്തുവിടുമെന്ന് യുജിസി ചെയര്‍മാന്‍ ജഗദീഷ് കുമാര്‍ അറിയിച്ചു.

ജുലൈ മുതല്‍ ഓഗസ്റ്റ് വരെ ആയാണ് സിയുഇടി യുജി പരീക്ഷ നടത്തിയത്. കേന്ദ്ര സര്‍വകലാശാലകളിലേക്കുള്ള പ്രവേശനത്തിന് പൊതു പരീക്ഷ നടത്തുന്നത് ഇത് ആദ്യമാണ്.

പ്രവേശനപരീക്ഷാ ഫലത്തിന്റെ അടിസ്ഥാനത്തില്‍ ബിരുദ കോഴ്‌സുകളിലേക്കുള്ള അഡ്മിഷനു വേണ്ടി സര്‍വകലാശാലകള്‍ വെബ് പോര്‍ട്ടലുകള്‍ ക്രമീകരിക്കണമെന്ന് യുജിസി നേരത്തെ നിര്‍ദേശിച്ചിരുന്നു.