കേരളം
കളമശ്ശേരിയില്‍ 17കാരന് ക്രൂര മര്‍ദനമേറ്റ സംഭവത്തില്‍ ഒരാള്‍ അറസ്റ്റില്‍
കളമശേരിയില്‍ 17കാരനു നേരെ മര്‍ദ്ദനം ഉണ്ടായ സംഭവത്തില്‍ ഒരാളെ അറസ്റ്റ് ചെയ്തു. അഖിലിനെയാണ് അറസ്റ്റ് ചെയ്തത്. സുഹൃത്തുക്കളായ 2 പേരോട് കൂടി ഹാജരാകാന്‍ കളമശ്ശേരി പോലീസ് അറിയിച്ചിട്ടുണ്ട്. സംഭവത്തില്‍ പൊലീസ് ബാലാവകാശ കമ്മീഷന് റിപ്പോര്‍ട്ട് നല്‍കും.വ്യാഴാഴ്ച്ചയായിരുന്നു കളമശേരി ഗ്ലാസ് ഫാക്ടറി കോളനിക്ക് സമീപം വെച്ച്‌ 17 വയസുകാരനെ സുഹൃത്തുക്കള്‍ സംഘം ചേര്‍ന്ന് മര്‍ദ്ദിച്ചത്. ലഹരി ഉപയോഗം വീട്ടില്‍ അറിയിച്ചു എന്ന് ആരോപിച്ചായിരുന്നു മര്‍ദനം.
മൊബൈലില്‍ മര്‍ദിക്കുന്ന ദൃശ്യങ്ങള്‍ പകര്‍ത്തിയിരുന്നു. ഇതിന്‍്റെ അടിസ്ഥനത്തില്‍ 4 പേരെ പോലീസ് കസ്റ്റഡിയില്‍ എടുത്തിരുന്നു. എന്നാല്‍ പ്രായപൂര്‍ത്തിയാകാത്തതിനാല്‍ ഇവരെ മാതാപിതാക്കളോടൊപ്പം വിട്ടയച്ചു. അറസ്റ്റ് രേഖപ്പെടുത്തിയിരിക്കുന്ന അഖിലിന് 18 വയസ്സ് തികഞ്ഞിരുന്നു.മര്‍ദനമേറ്റ കുട്ടിയെ ഇന്നലെ രാത്രി ആലുവ ജനറല്‍ ആശുപത്രിയില്‍ പ്രവേശിപ്പിച്ചു. കസ്റ്റഡിയിലെടുത്ത ഒരാളുടെ സഹോദരിയുമായുള്ള പ്രണയമാണ് മര്‍ദനത്തിന് പ്രകോപനമെന്ന് പ്രതികള്‍ പറയുന്നു. പൊലീസ് ഇക്കാര്യത്തില്‍ അന്വേഷണം നടത്തുന്നുണ്ട്.
