ആദിവാസി മേഖലയിൽ ലഹരി വിരുദ്ധ ക്യാമ്പയിൻ

കേരള സർക്കാരിൻറെ വിമുക്തി ലഹരി വർജന മിഷന്റെയും, ഗാലറി ഓഫ് നാച്വർ യൂട്യൂബ് ചാനലിന്റെയും, എക്സൈസ് വകുപ്പിന്റെയും, സംയുക്താഭിമുഖ്യത്തിൽ അഗസ്ത്യവനത്തിലെ ആദിവാസി ഊരുകളിൽ ലഹരി വിരുദ്ധ ബോധവൽക്കരണ ക്യാമ്പും ലഘുലേഖ വിതരണവും സംഘടിപ്പിച്ചു.

ജനുവരി 10 ബുധനാഴ്ച നടന്ന പരിപാടികൾ, തിരുവനന്തപുരം ജില്ല അസിസ്റ്റൻറ് എക്സൈസ് കമ്മീഷണർ വി. സുഭാഷ് ഉദ്ഘാടനം ചെയ്തു. യൂട്യൂബ് ചാനൽ കൂട്ടായ്മയുടെ ജോയിൻ കൺവീനർ കോട്ടൂർ ജയചന്ദ്രൻ സ്വാഗതം ആശംസിച്ച യോഗത്തിൽ ചാനൽ ചെയർമാൻ സുമേഷ് കോട്ടൂർ ആമുഖപ്രഭാഷണം നടത്തി.

ഷിബു ബി. എൽ. (എക്സൈസ് സർക്കിൾ ഇൻസ്പെക്ടർ) പ്രവർത്തനങ്ങൾക്ക് നേതൃത്വം നൽകി . “മിഷൻ എഗൈൻസ്റ്റ് ഡ്രഗ്സ് “എന്ന കൂട്ടായ്മയുടെ രണ്ടാമത്തെ പരിപാടിയാണ് കോട്ടൂരിൽ നടന്നത്. ഒന്നാമത്തെ പരിപാടി പരുത്തിപ്പള്ളി ഗവൺമെൻറ് ഹൈസ്കൂളിൽ നടന്നു.ആർ. പി. മിഥിൻലാൽ( എക്സൈസ് സർക്കിൾ ഇൻസ്പെക്ടർ, നെടുമങ്ങാട് ) ഷിജു.എസ്. വി. നായർ( ഡെപ്യൂട്ടി റേഞ്ച് ഓഫീസർ, കാപ്പുകാട്), രാജീ ഷ്. ആർ.എസ്.( എക്സൈസ് ഇൻസ്പെക്ടർ, ആര്യനാട് ) ജെ.രജി( സെക്ഷൻ ഫോറസ്റ്റ് ഓഫീസർ), ആർ. രാജേഷ് കുമാർ, സന്തോഷ്‌ കുമാർ, ബി എസ്. ആതിര, പ്രിയ ശ്യം, നബീസത് ബീവി, രാജലക്ഷ്മി തുടങ്ങിയവർ പരിപാടികളിൽ പങ്കെടുത്തു.