കേരളം
സംസ്ഥാനത്ത് 9 റാപ്പിഡ് റെസ്പോണ്സ് ടീമുകള്
മനുഷ്യ-വന്യജീവി സംഘര്ഷം ലഘൂകരിക്കുന്നതിന്റെ ഭാഗമായി വനം വന്യജീവി വകുപ്പില് ഒമ്പത് റാപ്പിഡ് റെസ്പോണ്സ് ടീമുകള് (ആര്ആര്ടി) രൂപീകരിക്കാന് മന്ത്രിസഭായോഗം തീരുമാനിച്ചു.
ഇതിന്റെ നടത്തിപ്പിനായി സെക്ഷന് ഫോറസ്റ്റ് ഓഫീസര്, ഫോറസ്റ്റ് ഡ്രൈവര്, പാര്ട്ട് ടൈം സ്വീപ്പര് എന്നിവയുടെ ഒമ്പത് തസ്തികകള് വീതം സൃഷ്ടിക്കുന്നതിനും അനുമതി നല്കി.
തിരുവനന്തപുരം ഡിവിഷനില് പാലോട്, പുനലൂര് ഡിവിഷനില് തെന്മല, കോട്ടയം ഡിവിഷനില് വണ്ടന്പതാല്, മാങ്കുളം ഡിവിഷനില് കടലാര്, കോതമംഗലം ഡിവിഷനില് കോതമംഗലം എന്നിവിടങ്ങളിലും ചാലക്കുടി ഡിവിഷനില് പാലപ്പിള്ളി, നെന്മാറ ഡിവിഷനില് കൊല്ലങ്കോട്, നിലമ്പൂര് സൗത്ത് ഡിവിഷനില് കരുവാരക്കുണ്ട്, നോര്ത്ത് വയനാട് ഡിവിഷനില് മാനന്തവാടി എന്നിവിടങ്ങളിലുമാണ് പുതുതായി രൂപീകരിക്കുന്ന ആര്ആര്ടികള്.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement