കേരളം

‘2024ലെ ഒരു ഡയറി തരുമോ?’; വി ഡി സതീശന് ആദിത്യന്റെ കത്ത്, ഡയറിയുമായി വീട്ടിലെത്തി പ്രതിപക്ഷ നേതാവ്

Published

12 months ago

7 January 2024

അങ്ങനെ ആദ്യത്യന്റെ ആഗ്രഹം സാധിച്ചു. ഇനി ടീച്ചറിനോട് പറയാം പ്രതിപക്ഷ നേതാവ് വി ഡി സതീശൻ നേരിട്ടെത്തി സമ്മാനിച്ച ഡയറിയിലാണ് താൻ ഇനി എഴുതാൻ പോകുന്നതെന്ന്. കളമശ്ശേരി കരിമാലൂർ ഗവൺമെൻറ് എൽ പി സ്കൂളിലെ ഒന്നാം ക്ലാസ് വിദ്യാർത്ഥിയാണ് ആദിത്യൻ. ആദിത്യന്റെ പ്രിയപ്പെട്ട പ്രതിപക്ഷ നേതാവിന് തന്റെ കൈകൊണ്ട് എഴുതി ഉണ്ടാക്കിയ ന്യൂ ഇയർ കാർഡ് അയക്കുമ്പോൾ ഇങ്ങനെ കൂടി എഴുതിയിരുന്നു. ”സർ, എനിക്ക് 2024-ലെ ഡയറി തരുമോ? സ്കൂളിൽ ഡയറി എഴുതാൻ പറഞ്ഞിട്ടുണ്ട് ”.

കത്ത് പോസ്റ്റൽ വഴി പ്രതിപക്ഷ നേതാവിന്റെ അരികിൽ എത്തേണ്ട താമസം മാത്രമേ ഉണ്ടായിരുന്നുള്ളൂ, ആദിത്യനുള്ള ഡയറിയുമായി വി ഡി സതീശൻ വീട്ടിലെത്തി. ഡയറി ആവശ്യപ്പെട്ട് ആദി കത്തുകൾ വേറെയും എഴുതിയെങ്കിലും ഒരു ആശംസാ കാർഡോ, ഡയറിയോ അയച്ച് തരുമെന്ന് പ്രതീക്ഷിച്ച ആദിയെ നേരിൽ കാണാൻ പ്രതിപക്ഷ നേതാവ് വന്നത് അപ്രതീക്ഷിതവും ഏറെ സന്തോഷം നൽകുന്നതായിരുന്നുവെന്ന് ആദിത്യന്റെ പിതാവ് പറഞ്ഞു.

Also Read: മകരവിളക്കിന് 800 ബസുകൾ സർവീസ് നടത്തും; കെഎസ്ആർടിസി

വീട്ടിലേക്ക് എത്തിയ വിഡി സതീശനെ റോസാപ്പൂ നൽകിയാണ് ആദിത്യൻ സ്വീകരിച്ചത്. നന്നായി പഠിക്കണമെന്നും ഡയറി എഴുതാൻ മറക്കരുതെന്നും ഓർമ്മിപ്പിച്ച് വി ഡി സതീശൻ തന്റെ കയ്യിൽ കരുതിയ ഡയറി ആദിയെ ഏൽപ്പിച്ചു. ഒപ്പം ആശംസകൾ നേർന്ന കുറിപ്പും ഡയറി എഴുതാൻ പേനയും. ആദിത്യൻ്റെ മാതാപിതാക്കളായ ശ്രീരാജും ആതിരയും മറ്റ് കുടുംബാംഗങ്ങൾ എല്ലാവരും ചേർന്നാണ് വി ഡി സതീശനെ യാത്രയാക്കിയത്.

Also Read: ബസ് ഓടേണ്ട റൂട്ട് ആണ് എന്ന് തോന്നുന്നുണ്ടോ?; ജനങ്ങള്‍ക്കും മോട്ടോര്‍ വാഹനവകുപ്പിന് അറിയിക്കാന്‍ അവസരം

സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!