Bവീട്ടിൽ അതിക്രമിച്ചു കയറി വീട്ടുകാരെ വെട്ടിക്കൊലപ്പെടുത്താൻ ശ്രമം; യുവാവ് ജീവനൊടുക്കിയ നിലയിൽ

പെരുമ്പാവൂരിൽ വീട്ടിൽ അതിക്രമിച്ചു കയറി വീട്ടുകാരെ വെട്ടിക്കൊലപ്പെടുത്താൻ ശ്രമിച്ച യുവാവ് ജീവനൊടുക്കിയ നിലയിൽ. ഇരിങ്ങോൾ സ്വദേശി എൽദോസ് ആണ് മരിച്ചത്. രായമംഗലം കാണിയാട്ട് ഔസേപ്പ്, ഭാര്യ ചിന്നമ്മ, പേരക്കുട്ടി അൽക്ക എന്നിവർക്ക് ആണ് വെട്ടേറ്റത്. വെട്ടേറ്റ അൽക്കയുടെ പരിക്ക് ഗുരുതരമാണ്. ഇന്ന് ഉച്ചയോടെയാണ് സംഭവം.

കഴുത്തിനും തലക്കും പരിക്കേറ്റ അൽക്കയെ കളമശ്ശേരി മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്. പരിക്കേറ്റ ഔസേപ്പിനേയും ചിന്നമ്മയേയും പെരുമ്പാവൂരിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ഇവരെ വെട്ടി പരിക്കേൽപ്പിച്ചതിനു ശേഷം എൽദോസ് ആത്മഹത്യ ചെയ്തു എന്നാണ് പൊലീസ് നൽകുന്ന സൂചന.