കേരളം
ഒന്നാം വർഷ ഹയർ സെക്കന്ററി ഇംപ്രൂവ്‌മെന്റ്/സേ പരീക്ഷ അടുത്ത മാസം 18 മുതൽ
ഹയർസെക്കന്ററി ഒന്നാം വർഷ ഇംപ്രൂവ്‌മെന്റ്/ സേ പരീക്ഷാ തിയതികൾ പ്രഖ്യാപിച്ചു. അടുത്ത മാസം 18 മുതൽ 23 വരെ പരീക്ഷകൾ നടക്കും. മാർച്ചിൽ എഴുതിയ പരീക്ഷയിൽ മൂന്ന് വിഷയങ്ങൾ വരെ സ്‌കോർ മെച്ചപ്പെടുത്തുന്നതിനും, പരീക്ഷ എഴുതാൻ കഴിയാത്ത വിഷയങ്ങളിൽ അവ എഴുതുന്നതിനും റഗുലർ വിദ്യാർത്ഥികൾക്ക് ഈ പരീക്ഷയ്ക്ക് രജിസ്റ്റർ ചെയ്യാം.
വിശദാംശങ്ങൾ അടങ്ങിയ വിജ്ഞാപനം ഹയർ സെക്കൻഡറി പോർട്ടലായ www.dhsekerala.gov.in ൽ ലഭ്യമാണ്.
നവംബർ 16 നാണ് ഫീസ് അടയ്‌ക്കേണ്ട അവസാന തിയതി. 600 രൂപ ഫൈനോടെ 18 വരെ അപേക്ഷ സമർപ്പിക്കാം. റഗുലർ, ലാറ്ററൽ എൻട്രി വിദ്യാർത്ഥികൾക്ക് പരീക്ഷാ ഫീസ് ഒരു പേപ്പറിന് 175 രൂപയാണ്. കമ്പാർട്ട്‌മെന്റൽ വിഭാഗം വിദ്യാർത്ഥികൾക്ക് പേപ്പറിന് 225 രൂപയാണ് ഫീസ്. ഗൾഫ് മേഖലയിലെ സ്‌കൂളുകളിൽ പഠിക്കുന്ന വിദ്യാർത്ഥികൾക്കും പരീക്ഷയ്ക്ക് രജിസ്റ്റർ ചെയ്യാം. ഇവർക്ക് യുഎഇയിലുള്ള പരീക്ഷ കേന്ദ്രത്തിലോ, അതാത് വിഷയ കോമ്പിനേഷനുള്ള കേരളത്തിലെ മറ്റേതെങ്കിലും കേന്ദ്രത്തിലോ പരീക്ഷ എഴുതാം.
