കടുത്തുരുത്തിയിൽ ലൈനിലേക്ക് മരം വീണ് റെയിൽ ഗതാഗതം തടസപ്പെട്ടു

കടുത്തുരുത്തി റെയിൽവേ സ്റ്റേഷന് സമീപം ലൈനിലേക്ക് മരം വീണ് റെയിൽ ഗതാഗതം തടസപ്പെട്ടു.എറണാകുളം തിരുവനന്തപുരം പാതയിലാണ് മരം വീണത്.

സെക്കന്ദരാബാദ് തിരുവനന്തപുരം ശബരി എക്സ്പ്രസ്, എറണാകുളം കൊല്ലം മെമു,മംഗലാപുരം നാഗർകോവിൽ പരശുറാം എക്സ്പ്രസ് എന്നിവ പിടിച്ചിട്ടിരിക്കുകയാണ്

മഴക്കാലപൂർവ ശുചീകരണത്തിനായി ലൈനുകൾക്ക് സമീപമുള്ള മരം വെട്ടി നീക്കുന്നതിനിടെയാണ് മരകൊമ്പ് ലൈനിൽ പതിച്ചത്. നിലവിൽ എത്രയും വേഗം ഗതാഗത തടസം പരിഹരിക്കാനുള്ള ശ്രമങ്ങൾ പുരോഗമിക്കുകയാണ്.