സ്വർണ വില വീണ്ടും മുകളിലേക്ക്; പവന് 200 രൂപ കൂടി

സംസ്ഥാനത്ത് തുടർച്ചയായി രണ്ട് ദിവസം കുറഞ്ഞ സ്വർണ വില ഇന്ന് വീണ്ടും കൂടി. പവന് 200രൂപയാണ് ഇന്ന് കൂടിയത്. ഒരു പവൻ സ്വർണത്തിന് 39,960 രൂപ.

​ഗ്രാമിന് 25 രൂപയാണ് വർധിച്ചത്. ഒരു ​ഗ്രാം സ്വർണത്തിന് 4995 രൂപ. 40,000 കടന്ന് മുന്നേറിയതിന് ശേഷമാണ് വില രണ്ട് ദിവസം തുടർച്ചയായി താഴേക്ക് വന്നത്.

പിന്നാലെയാണ് ഇന്ന് കൂടിയത്. ബുധനാഴ്ചയാണ് 40,000 കടന്ന് സ്വര്‍ണ വില മുന്നേറിയത്. രണ്ട് ദിവസം കൊണ്ട് വിലയില്‍ 500 രൂപയാണ് ഇടിവുണ്ടായത്.