മാധ്യമ പ്രവർത്തകരുടെ പ്രശ്നങ്ങൾക്ക് പരിഹാരം കാണുമെന്ന് മന്ത്രി വി. എൻ വാസവൻ

പ്രാദേശിക മാധ്യമ പ്രവർത്തകരുടെ പ്രശ്നങ്ങൾക്ക് പരിഹാരം കാണുമെന്ന് സഹകരണ രജിസ്ട്രേഷൻ സാംസ്കാരിക വകുപ്പ് മന്ത്രി വി. എൻ വാസവൻ.കേരള പത്രപ്രവർത്തക അസോസിയേഷൻ കോട്ടയം ജില്ല സമ്മേളനവും, കുടുംബ സംഗമവും കടുത്തുരുത്തി കടപ്പുരാൻ ഓഡിറ്റോറിയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

അക്രെഡിറ്റേഷൻ, ക്ഷേമനിധി, തുടങ്ങി അസോസിയേഷൻ നിരന്തരമായി ആവശ്യപ്പെടുന്ന വിഷയങ്ങൾ സാംസ്കാരിക വകുപ്പിന്റെ നേതൃത്വത്തിൽ ഇത്തവണ ബഡ്ജറ്റിൽ അവതരിപ്പിക്കുന്നതിന് മുൻകൈയെടുക്കുമെന്നും മന്ത്രി പറഞ്ഞു. മുതിർന്ന മാധ്യമ പ്രവർത്തകരെയും, സാമൂഹിക സാംസ്കാരിക രംഗങ്ങളിലുള്ള വ്യക്തികളെയും മൊമെന്റോ നൽകി മന്ത്രി ആദരിച്ചു.

കേരള പത്രപ്രവർത്തക അസോസിയേഷൻ സംസ്ഥാന ജനറൽ സെക്രട്ടറി മധു കടുത്തുരുത്തി അധ്യക്ഷനായിരുന്നു.തോമസ് ചാഴിക്കാടൻ എം.പി മുഖ്യ പ്രഭാഷണം നടത്തി. .മോൻസ് ജോസഫ് MLA,സി.കെ ആശ എം.എൽ.എ, ബിജെപി ജില്ലാ പ്രസിഡന്റ് ലിജിൻ ലാൽ, ജില്ലാ പഞ്ചായത്ത് മുൻ പ്രസിഡന്റ് സഖറിയാസ് കുതിരവേലിൽ, കടുത്തുരുത്തി ബ്ലോക്ക് പഞ്ചായത്ത് പ്രസിഡന്റ് പി. വി സുനിൽ, പഞ്ചായത്ത് പ്രസിഡന്റ്മാരായ ടി.കെ വാസുദേവൻ നായർ,ജോണി തോട്ടുങ്കൽ, പഞ്ചായത്ത് അംഗങ്ങളായ ജിൻസി എലിസബത്ത്, നോബി മുണ്ടയ്ക്കൻ, സ്റ്റീഫൻ പാറാവേലി, കാണക്കാരി അരവിന്ദാക്ഷൻ,തോമസ് കീപ്പുറം, എന്നിവർ ആശംസകൾ നേർന്ന്‌ സംസാരിച്ചു. അസോസിയേഷൻ സംസ്ഥാന പ്രസിഡന്റ് ജി ശങ്കർ, ജില്ലാ സെക്രട്ടറി ബിജു ഇത്തിത്തറ, സംസ്ഥാന ട്രഷറർ ബൈജു പെരുവ, സംസ്ഥാന വൈസ് പ്രസിഡന്റ്മ്മാരായ സലിം മൂഴിക്കൽ, ബേബി കെ ഫിലിപ്പോസ്, സംസ്ഥാന സെക്രട്ടറിമാരായ കണ്ണൻ പന്താവൂർ, കെ.കെ അബ്ദുള്ള, സംസ്ഥാന കമ്മിറ്റി അംഗങ്ങളായ നൗഷാദ് വെoബ്ലി, ബിജു പൊൻകുന്നം, രാജേഷ് കുര്യനാട്, ജോസ് ചെറിയാൻ പാലാ, രാജൻ പാല, സ്വാഗതസംഘം ജോയിൻ കൺവീനർ എം.ആർ രാജു, പി.സി രാജേഷ്, അനിൽ കിടങ്ങൂർ എന്നിവർ പ്രസംഗിച്ചു.

അസോസിയേഷൻ സംസ്ഥാന കമ്മിറ്റി അംഗം എ. ആർ രവീന്ദ്രൻ സ്വാഗതവും, പ്രോഗ്രാം കോഡിനേറ്റർ ബെയ്‌ലോൺ എബ്രഹാം കൃതജ്ഞതയും പറഞ്ഞു. പ്രാദേശിക മാധ്യമ പ്രവർത്തകർ നേരിടുന്ന വിവിധ പ്രശ്നങ്ങൾ സംബന്ധിച്ചുള്ള നിവേദനം അസോസിയേഷന്റെ നേതൃത്വത്തിൽ മന്ത്രിക്ക് കൈമാറി. പ്രതിനിധി സമ്മേളനം അസോസിയേഷൻ സംസ്ഥാന ജനറൽ സെക്രട്ടറി കെ. ആർ മധു ഉദ്ഘാടനം ചെയ്തു. ജില്ലാ സെക്രട്ടറി ബിജു ഇത്തിത്തറ അധ്യക്ഷനായിരുന്നു. തുടർന്ന് പുതിയ ഭാരവാഹികളുടെ തെരഞ്ഞെടുപ്പ് നടന്നു.

ജില്ലാ പ്രസിഡന്റായി ജോസ് ചെറിയാൻ പാലാ, സെക്രട്ടറിയായി ബിജു ഇത്തിത്തറ, വൈസ് പ്രസിഡന്റമാരായി സുജിത്ത് ബാലകൃഷ്ണൻ, പ്രമോദ് ഒറ്റക്കണ്ടം, ബെയിലോൺ എബ്രഹാം, ജോയിൻ സെക്രട്ടറിമാരായി രാജേഷ് കുര്യനാട്, ഉണ്ണി മുണ്ടക്കയം, ട്രഷററായി അജേഷ് ജോൺ, എന്നിവരും,9 അംഗ ജില്ലാ കമ്മിറ്റിയെയും തെരഞ്ഞെടുത്തു.