കേരളം
പുതുതായി കണ്ടെത്തിയ കാശിതുമ്പകള്‍ക്ക് വി എസ് അച്യുതാനന്ദന്‍റെയും ശൈലജ ടീച്ചറുടെയും പേരുകള്‍
പശ്ചിമഘട്ട മലനിരകളിൽ നിന്ന് പുതിയ മൂന്ന് ഇനം തുമ്പ (കാശിത്തുമ്പ) കളെ കണ്ടെത്തി. ഇടുക്കി , തിരുവനന്തപുരം ജില്ലകളുടെ കിഴക്കൻ വനമേഖലയിൽ നിന്നാണ് തുമ്പകളുടെ പുതിയ വകഭേദങ്ങളെ കണ്ടെത്തിയത്. തിരുവനന്തപുരം യൂണിവേഴ്സിറ്റി കോളേജിലെ സസ്യശാസ്ത്രവിഭാഗം അസോസിയേറ്റ് പ്രൊഫസർ വി എസ് അനിൽ കുമാറിന്റെ നേതൃത്വത്തിലുള്ള സംഘമാണ് പുതിയ കണ്ടെത്തലിന് പിന്നിൽ.
മൂന്നാറിലും മതികെട്ടാൻ ചോലയിലും അനധികൃത കൈയേറ്റങ്ങൾ ഒഴിപ്പിച്ച് സര്ക്കാ‍‍‌‍ർ ഭൂമി തിരിച്ച് പിടിച്ച് അതിലൂടെ പരിസ്ഥിതി സംരക്ഷിക്കാൻ മുൻ മുഖ്യമന്ത്രി അച്യുതാനന്ദൻ കാണിച്ച ആർജവമാണ് അദ്ദേഹത്തിന്റെ പേര് നൽകാൻ കാരണം. വെള്ളയിൽ നേരിയ മഞ്ഞ കലർന്ന ചെറിയ പുഷ്പങ്ങളും ധാരാളം ജലാംശം അടങ്ങിയ ഇലകളും തണ്ടുകളുമടങ്ങിയ തുമ്പ ചെടിക്കാണ് ഇൻപേഷ്യൻസ് അച്യുതാനന്ദനി എന്ന പേര് നൽകിയത്.
നിപയും കൊവിഡും വന്നപ്പോൾ ജനങ്ങളോടൊപ്പം നിന്ന് ആരോഗ്യമേഖലയ്ക്ക് കരുത്ത് പകർന്ന തീരുമാനങ്ങളെ തുടർന്നാണ് കെ കെ ശൈലജയുടെ പേര് നൽകിയത്. പിങ്ക് നിറത്തിൽ വലിയ പൂക്കളുള്ള നീണ്ട തേൻ വാഹിയുള്ള തുമ്പ ചെടിക്കാണ് ഇന്ൻപേഷ്യന്ൻസ് ശൈലജേ എന്ന് പേര് നൽകിയത്. സസ്യവർഗീകരണ രംഗത്ത് ഡോ.മാത്യു ഡാൻ നൽകിയ സംഭാവനകളെ മുൻനിർത്തിയാണ് മൂന്നാമത്തെ കാശി തുമ്പയ്ക്ക് ഇന്ൻപേഷ്യൻസ് ഡാനിയെന്ന പേര് നൽകിയത്. തൂവെള്ളയിൽ ചെറിയ പിങ്ക് പൊട്ടുകളുള്ള പൂക്കളും ആനക്കൊമ്പിനെ ഓർമ്മിപ്പിക്കു വളഞ്ഞ തേൻവാഹിനിയുള്ള തുമ്പ ചെടിക്ക് ഇൻപേഷ്യൻസ് ഡാനിയെന്ന് പേര് നൽകി.
എസ് ആര്യയെ കൂടാതെ തിരുവനന്തപുരം ജവഹർലാൽ ട്രോപ്പിക്കൽ ബൊട്ടാണിക്കൽ; ഗാർഡനിലെ ഗവേഷക വിദ്യാർത്ഥി എം ജി ഗോവിന്ദ്, പാലക്കാട് വിക്ടോറിയ കോളേജിലെ സസ്യശാസ്ത്ര വിഭാഗം അസി.പ്രൊഫസർ ഡോ.വി സുരേഷ്, റീജണൽ ക്യാൻസർ സെന്റർ ഗവേഷക വിദ്യാർത്ഥി കെ വിഷ്ണു എന്നിവരും പഠനത്തിൽ പങ്കാളികളാണ്.
