വള്ളിക്കുന്ന് അഭിമന്യു വധക്കേസ്; ആർഎസ്എസ് പ്രവർത്തകൻ സജയ് ജിത്ത് കീഴടങ്ങി

വള്ളിക്കുന്നത്ത് പതിനഞ്ചുകാരനായ അഭിമന്യുവിനെ കുത്തിക്കൊലപ്പെടുത്തിയ കേസിലെ മുഖ്യപ്രതി ആർഎസ്എസ് പ്രവർത്തകൻ സജയ് ജിത്ത് കീഴങ്ങി. പാലാരിവട്ടം പൊലീസ് സ്റ്റേഷനിലാണ് കീഴടങ്ങിയത്.

കൊലപാതകത്തിന് പിന്നിൽ അഞ്ച് പ്രതികളുണ്ടെന്നാണ് സൂചന. അതേസമയം കൊല്ലപ്പെട്ട അഭിമന്യുവിന്‍റെ മൃതദേഹം ഇന്ന് സംസ്കരിക്കും.

കൊല്ലപ്പെട്ട അഭിമന്യുവിനൊപ്പമുണ്ടായിരുന്ന കാശിയുടെയും ആദർശിന്റെയും മൊഴി നിർണായകമാണ്. ചികിത്സയിലുള്ള ഇവരുടെ മൊഴി അന്വേഷണസംഘം ഇന്ന് രേഖപ്പെടുത്തും.

പ്രതികളെക്കുറിച്ചുള്ള മുഴുവൻ വിവരങ്ങളും ലഭ്യമായെന്നാണ് പോലീസ് പറയുന്നത്.