ആരോഗ്യം
താന്‍സാനിയന്‍ പ്രസിഡന്റ് ജോണ്‍ മഗുഫുളി അന്തരിച്ചു
താന്‍സാനിയന്‍ പ്രസിഡന്റ് ജോണ്‍ മഗുഫുളി(61) അന്തരിച്ചു. താന്‍സാനിയന്‍ വൈസ് പ്രസിഡന്റാണ് മഗുഫുളിയുടെ മരണം സ്ഥിരീകരിച്ചത്.
ഹൃദയസംബന്ധമായ അസുഖങ്ങളെ തുടര്‍ന്നാണ് മരണം എന്നാണ് ഔദ്യോഗിക വിശദീകരണം. കഴിഞ്ഞ രണ്ടാഴ്ചയോളമായി പൊതു ഇടത്തില്‍ മഗുഫുളി പ്രത്യക്ഷപ്പെട്ടിരുന്നില്ല. ഇതോടെ പ്രസിഡന്റിന് കോവിഡ് പോസിറ്റിവായെന്ന നിലയില്‍ റിപ്പോര്‍ട്ടുകള്‍ വന്നിരുന്നു.
എന്നാല്‍ പ്രസിഡന്റിന്റെ ആരോഗ്യ പ്രശ്‌നങ്ങള്‍ എന്ന വാര്‍ത്തകള്‍ മാര്‍ച്ച് 12ന് ഭരണകൂടം തള്ളി. അധികാരത്തിലിരിക്കുമ്പോള്‍ മരിക്കുന്ന ആദ്യ താന്‍സാനിയന്‍ പ്രസിഡന്റാണ് മഗുഫുളി.
കോവിഡിനെ നിസാരമായി കാണുകയും, മാസ്‌ക് ധരിക്കുന്നതിന് എതിരെ മഗുഫുളി നിലപാടെടുക്കുകയും ചെയ്തിരുന്നു. ആരോഗ്യനില മോശമായതോടെ മഗുഫുളി ഇന്ത്യയിലെ രഹസ്യ കേന്ദ്രത്തില്‍ ചികിത്സയിലാണെന്നും വാര്‍ത്തകള്‍ വന്നിരുന്നു.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
