കൊവിഡ് വ്യാപനം; മലപ്പുറത്ത് 55 പഞ്ചായത്തുകളിൽ നിരോധനാജ്ഞ

മലപ്പുറത്ത് കൊവിഡ് വൈറസ് രോഗബാധിതരുടെ എണ്ണം ഉയരുന്ന പശ്ചാത്തലത്തിൽ കൂടുതൽ കടുത്ത നടപടികളിലേക്ക് ജില്ലാ ഭരണകൂടം. 55 പഞ്ചായത്തുകളിൽ മെയ് 14 വരെ നിരോധനാജ്ഞ ഏർപ്പെടുത്തി ജില്ലാ കളക്ടർ ഉത്തരവിട്ടു. കൊവിഡ് ടെസ്റ്റ് പൊസിറ്റിവിറ്റി നിരക്ക് 30 ന് മുകളിലുള്ള പഞ്ചായത്തുകളിലാണ് നിരോധനാജ്ഞ പ്രഖ്യാപിച്ചത്.

ചൊവ്വാഴ്ച മുതൽ കാടാമ്പുഴ ഭഗവതി അമ്പലത്തിൽ ഭക്തജനങ്ങൾക്ക് പ്രവേശനമുണ്ടായിരിക്കില്ലെന്ന് ഭരണ സമിതി അറിയിച്ചു. ടിപിആർ 30ന് മുകളിലുള്ള പഞ്ചായത്തുകളിലാണ് നിരോധനാജ്ഞ. നേരത്തെ ജില്ലയിലെ മൂന്ന്​ നഗരസഭകളിലും 14 പഞ്ചായത്തുകളിലും നിരോധനാജ്ഞ നൽകിയിരുന്നു.

തിരൂരങ്ങാടി, പരപ്പനങ്ങാടി, താനൂർ, നഗരസഭകളിലും എ ആർ നഗർ, തേഞ്ഞിപ്പലം, കാലടി, എടയുർ, മമ്പാട്, പെരുമ്പടപ്പ്, എടപ്പാൾ, വാഴക്കാട്, കുറ്റിപ്പുറം, ഇരുമ്പിളിയം, ആതവനാട്, മാറഞ്ചേരി, അമരമ്പലം, ചുങ്കത്തറ പഞ്ചായത്തുകളിലുമാണ്​ പുതിയതായി നിയന്ത്രണം പ്രഖ്യാപിച്ചത്​.

വെള്ളിയാഴ്​ച (ഏപ്രിൽ 30) രാത്രി 9:00 മണി മുതൽ മേയ് 14 വരെയാണ് നിരോധനാജ്‌ഞ ഉണ്ടാവുക.ഈ സ്ഥലങ്ങളിൽ 5 പേരിൽ അധികം കൂട്ടം കൂടരുത് എന്നടക്കമുള്ള നി​യന്ത്രണങ്ങൾ ഉണ്ടാകും. പൊലീസി​ന്റെ ആരോഗ്യ വകുപ്പിന്റെയും കർശന പരിശോധനകളും ഉണ്ടാകും.കൊവിഡി​ന്റെ രണ്ടാം വ്യാപന പശ്ചാത്തലത്തിൽ മലപ്പുറം ജില്ലയിൽ നേരത്തെ രണ്ടു ഘട്ടങ്ങളിലായി 24 തദ്ദേശ സ്​ഥാപനങ്ങളിൽ നിയന്ത്രണങ്ങൾ പ്രഖ്യാപിച്ചിരുന്നു.