24 മണിക്കൂറിനിടെ രാജ്യത്ത് 18,645 പേർക്ക് കൊറോണ

രാജ്യത്ത് പ്രതിദിന കൊറോണ വൈറസ് ബാധിതരുടെ എണ്ണത്തിൽ തുടർച്ചയായ കുറവ്. 24 മണിക്കൂറിനിടെ 18,645 പേർക്ക് പുതുതായി രോഗം സ്ഥിരീകരിച്ചു. 201 മരണങ്ങളാണ് രാജ്യത്ത് കഴിഞ്ഞ ദിവസം റിപ്പോർട്ട് ചെയ്തത്.

രാജ്യത്ത് ആകെ 1,04,50,284 പേർക്കാണ് രോഗം ബാധിച്ചത്. ഇതുവരെ 1,00,75,950 പേർ രോഗമുക്തി നേടി ആശുപത്രി വിട്ടു. 24 മണിക്കൂറിനിടെ 19,299 പേർ കൂടി രോഗമുക്തി നേടിയതോടെ ചികിത്സയിൽ കഴിയുന്നവരുടെ എണ്ണം 2,23,335 ആയി.

ആകെ 1,50,999 പേരാണ് കൊറോണ ബാധിച്ച് മരിച്ചത്. പ്രതിദിന രോഗബാധിതരുടെ എണ്ണത്തിന് സമാനമായി കൊറോണയെ തുടർന്ന് മരിക്കുന്നവരുടെ എണ്ണത്തിലും വലിയ കുറവാണ് രേഖപ്പെടുത്തുന്നത്. കഴിഞ്ഞ കുറേ ദിവസങ്ങളായി പ്രതിദിന മരണസംഖ്യ 300ന് താഴെയാണ്.