രാജ്യത്ത് പ്രതിദിന കൊവിഡ് കേസുകള്‍ കുറയുന്നു; 24 മണിക്കൂറിനിടെ 36,469 പേര്‍ക്ക് രോഗബാധ  

രാജ്യത്ത് പ്രതിദിന കൊവിഡ് രോഗികളുടെ എണ്ണം കുറയുന്നു. 24 മണിക്കൂറിനിടെ 36,469 പേര്‍ക്ക് മാത്രമാണ് രോഗബാധ സ്ഥിരീകരിച്ചത്.

ഇതോടെ രാജ്യത്ത് ഇതുവരെ കൊവിഡ് സ്ഥിരീകരിച്ചവരുടെ എണ്ണം 79,46,429 ആയി. ഒരു ദിവസത്തിനിടെ 488 മരണം കൂടി ഔദ്യോഗികമായി സ്ഥിരീകരിച്ചതോടെ ആകെ മരണം 1,19,502 ആയി.

ഇന്നലെ 63,842 പേര്‍ കൂടി രോഗമുക്തി നേടിയെന്നാണ് സര്‍ക്കാര്‍ കണക്ക്. ഇതോടെ രാജ്യത്തെ ആകെ രോഗമുക്തരുടെ എണ്ണം 72,01,070 ആയി.

90.62 ശതമാനമാണ് രോഗമുക്തി നിരക്ക്. നിലവില്‍ രാജ്യത്ത് 6,25,857 പേരാണ് ചികിത്സിയില്‍ കഴിയുന്നത്.