ഗൂഗിള്‍ ഫോട്ടോസ് സൗജന്യ സേവനം അവസാനിപ്പിക്കുന്നു

ആന്‍ഡ്രോയ്ഡ് ഉപഭോക്താക്കളുടെ ജനപ്രിയ ആപ്ലിക്കേഷനായിരുന്ന  ഗൂഗിള്‍ ഫോട്ടോസിന്റെ ക്ലൗഡ് സ്റ്റോറേജ് സൗജന്യ സേവനം അവസാനിപ്പിക്കുന്നു.

15 ജിബിയ്ക്ക് മുകളിലുള്ള സ്റ്റോറേജിന് ഇനി മുതല്‍ പണം നല്‍കണമെന്ന് ഗൂഗിള്‍ വാര്‍ത്താകുറിപ്പിലൂടെ അറിയിച്ചു. വരുന്ന ജൂണ്‍ മാസം ഒന്നാം തീയതി മുതല്‍ ഇത് നടപ്പില്‍ വരും.

15 ജിബിയ്ക്ക് മുകളില്‍ സ്റ്റോറേജ് സ്‌പേസ് കിട്ടണമെങ്കില്‍ ഇനി പ്രതിമാസം പണം നല്‍കണം. ഗൂഗിള്‍ വണ്‍ വഴിയാണ് സബ്‌സ്‌ക്രൈബ് ചെയ്യേണ്ടത്.

100 ജിബി അധിക സ്റ്റോറേജ് ലഭിക്കണമെങ്കില്‍ പ്രതിമാസം 130 രൂപ വീതം നല്‍കണം. ഒരു വര്‍ഷത്തേക്കാണ് സബ്‌സ്‌ക്രൈബ് ചെയ്യുന്നതെങ്കില്‍ 1300 രൂപ നല്‍കണം.

200 ജിബിക്ക് മാസം തോറും 210 രൂപയും വര്‍ഷം 2100 രൂപയും നല്‍കണം. രണ്ട് ടിബി സ്റ്റോറേജിന് പ്രതിമാസം 650 രൂപയും ഒരു വര്‍ഷത്തേക്ക് 6500 രൂപയുമാണ് നല്‍കേണ്ടി വരിക.

ജിമെയിലിലും ഗൂഗിള്‍ ക്ലൗഡിലും ശേഖരിച്ചുവെച്ചിരിക്കുന്ന വിവരങ്ങള്‍, രണ്ട് വര്‍ഷമായി ആക്ടീവല്ലെങ്കില്‍ നീക്കം ചെയ്യപ്പെടുമെന്നും ഗൂഗിള്‍ അറിയിച്ചു.

ഇവ നീക്കം ചെയ്യുന്നതിനു മുന്‍പ് അറിയിപ്പ് നല്‍കുമെന്നും നിശ്ചിത സമയപരിധിക്കുള്ളില്‍ അക്കൗണ്ട് സന്ദര്‍ശിച്ചില്ലെങ്കില്‍ വിവരങ്ങള്‍ ഡിലീറ്റ് ചെയ്യുമെന്നും ഗൂഗിള്‍ വിശദീകരിച്ചു.