Covid 19
രാജ്യത്ത് വീണ്ടും നാല് ലക്ഷത്തിലധികം പുതിയ രോഗികള്; മരണം 4,092
രാജ്യത്ത് ഇന്നലെയും നാലു ലക്ഷത്തിലേറെ പേര്ക്കു കൊവിഡ് സ്ഥിരീകരിച്ചു. 4,03,738 പേര്ക്കാണ് കഴിഞ്ഞ ഇരുപത്തി നാല് മണിക്കൂറിനിടെ വൈറസ് ബാധ സ്ഥിരീകരിച്ചത്. 4,092 പേര് ഈ സമയത്തിനിടെ കൊവിഡ് മൂലം മരിച്ചു.
ഇന്നലെ 3,86,444 പേരാണ് രോഗമുക്തി നേടിയത്. ഇതുവരെ രാജ്യത്ത് കൊവിഡ് ബാധിച്ചത് 2,22,96,414 പേര്ക്ക്. ഇതില് 1,83,17,404 പേര് രോഗമുക്തരായി. 2,42,362 പേരാണ് ഇതുവരെ കൊവിഡ് ബാധിച്ചു മരിച്ചത്.ഇന്നലെ വരെയുള്ള കണക്ക് അനുസരിച്ച് രാജ്യത്ത് 37,36,648 പേര് വാക്സിന് സ്വീകരിച്ചതായും കേന്ദ്ര ആരോഗ്യമന്ത്രാലയം അറിയിച്ചു. രാജ്യത്ത് 37,36,648 പേരാണ് നിലവിൽ ചികിത്സയിലുള്ളത്.
അതേസമയം ലോകത്ത് കൊവിഡ് ബാധിതരുടെ എണ്ണം പതിനഞ്ച് കോടി എണ്പത്തിമൂന്ന് ലക്ഷം പിന്നിട്ടു. കഴിഞ്ഞ 24 മണിക്കൂറിനിടെ ഏഴര ലക്ഷത്തിലധികം പേര്ക്കാണ് വൈറസ് ബാധ സ്ഥിരീകരിച്ചത്. മരണസംഖ്യയും കുത്തനെ ഉയരുകയാണ്. ഇന്നലെ മാത്രം 12,000ത്തിലധികം പേരാണ് മരിച്ചത്. ഇതോടെ ആകെ മരണം 32.95 ലക്ഷം കടന്നു.
പതിമൂന്ന് കോടി അറുപത്തിമൂന്ന് ലക്ഷം പേര് രോഗമുക്തി നേടി. അമേരിക്ക,ഇന്ത്യ,ബ്രസീല് എന്നീ രാജ്യങ്ങളാണ് രോഗികളുടെ എണ്ണത്തില് ആദ്യ മൂന്ന് സ്ഥാനങ്ങളിലുള്ളത്. മൂന്ന് രാജ്യങ്ങളിലും ഒന്നര കോടിയിലധികം രോഗബാധിതരുണ്ട്. അമേരിക്കയില് മൂന്ന് കോടി മുപ്പത്തിനാല് ലക്ഷം പേര്ക്കാണ് കൊവിഡ് സ്ഥിരീകരിച്ചത്. 5.95 ലക്ഷം പേര് മരിച്ചു.