Uncategorized
എട്ടാം തവണയും ബുണ്ടസ് ലിഗ കിരീടമണിഞ്ഞ്‌ ബയേണ്‍ മ്യൂണിക്ക്‌
ജര്‍മന്‍ ഫുട്‌ബോള്‍ വമ്പന്മാരായ ബയേണ്‍ മ്യൂണിക്കിന് തുടര്‍ച്ചയായ എട്ടാം തവണയും ബുണ്ടസ് ലിഗ കിരീടം. കഴിഞ്ഞ ദിവസം നടന്ന മത്സരത്തില്‍ വെര്‍ഡര്‍ ബ്രെമനെ എതിരില്ലാത്ത ഒരു ഗോളിന് പരാജയപ്പെടുത്തിയതോടെയാണ് ബയേണ്‍ കിരീടമണിഞ്ഞത്.
ബയേണിന്റെ 29-ാം ബുണ്ടസ് ലിഗ കിരീടമാണിത്. ആദ്യ പകുതിയില്‍ പോളിഷ് താരം റോബര്‍ട്ട് ലെവന്‍ഡോസ്‌കിയാണ് ബയേണിന്റെ വിജയ ഗോള്‍ സ്വന്തമാക്കിയത്.
ലീഗില്‍ ലെവന്‍ഡോസ്‌കിയുടെ 31-ാം ഗോള്‍ നേട്ടമായിരുന്നു ഇത്. ഈ സീസണില്‍ താരത്തിന്റെ ഗോള്‍ നേട്ടം ഇതോടെ 45 ആയി. ലീഗില്‍ 32 മത്സരങ്ങളില്‍ നിന്ന് 24 വിജയങ്ങളുമായി 76 പോയന്റോടെയാണ് ബയേണിന്റെ ഈ നേട്ടം.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
