ക്രൈം
കുഞ്ഞിനെ കൊന്ന് പാറമടയിൽ താഴ്ത്തി
എറണാകുളം കോലഞ്ചേരിയില്‍ നവജാത ശിശുവിനെ കൊല്ലപ്പെട്ട നിലയില്‍ കണ്ടെത്തി. കൊലപാതകത്തിന് പിന്നില്‍ കുഞ്ഞിന്റെ അമ്മയാണെന്നാണ് പൊലീസ് നിഗമനം.
വീടിന് സമീപത്തെ പാറമടയില്‍ ഇവര്‍ കുഞ്ഞിനെ കല്ലുകെട്ടി താഴ്ത്തുകയായിരുന്നു. നാല് കുട്ടികളുടെ അമ്മയാണ് യുവതി.കഴിഞ്ഞ ഏതാനും നാളുകളായി യുവതിയുമായി വേര്‍പിരിഞ്ഞ കഴിയുകയാണെന്ന് ഭര്‍ത്താവ് സന്തോഷ് അറിയിച്ചു. വയറില്‍ മുഴ ആണെന്നാണ് കുട്ടികള്‍ വിളിച്ചു പറഞ്ഞത്. ഇന്നലെ നാട്ടുകാര്‍ പറഞ്ഞപ്പോഴാണ് ഭാര്യ ഗുരുതരാവസ്ഥയിലാണെന്ന് മനസിലായതെന്നും ഭര്‍ത്താവ് വ്യക്തമാക്കി.
നാല് കുട്ടികളുടെ അമ്മയാണ് യുവതി. യുവതിക്കെതിരെ ഐപിസി 317 വകുപ്പ് പ്രകാരം കേസെടുത്തതായി പുത്തന്‍കുരിശ് സി.ഐ അറിയിച്ചു. യുവതിയെ കസ്റ്റഡിയില്‍ എടുത്ത് വിശദമായി ചോദ്യം ചെയ്യേണ്ടതുണ്ടെന്നും സി.ഐ അറിയിച്ചു.
അമ്മ ഇപ്പോഴും ആശുപത്രിയിൽ ചികിത്സയിൽ ആണ്. കുത്തിന്റെ മൃതദേഹം കണ്ടെടുക്കാനുള്ള നടപടികൾ പുരോഗമിക്കുകയാണ് ഇപ്പോൾ.
