ദേശീയം
കെജിഎഫ് താരം മോഹൻ ജുനേജ അന്തരിച്ചു
കന്നട സിനിമ താരം മോഹൻ ജുനേജ (54) അന്തരിച്ചു. ഏറെ നാളായി അസുഖബാധിതനായിരുന്ന മോഹൻ ജുനേജ ബെംഗളൂരുവിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. സംസ്കാര ചടങ്ങുകൾ ഇന്ന് നടക്കും.
കർണാടകയിലെ തുംകുർ സ്വദേശിയാണ് മോഹൻ. ഹാസ്യനടൻ എന്ന നിലയിൽ ശ്രദ്ധേയനായ മോഹൻ കന്നഡയ്ക്കു പുറമെ തമിഴ്, തെലുങ്ക്, ഹിന്ദി ഭാഷകളിലും അഭിനയിച്ചിട്ടുണ്ട്.
പ്രശാന്ത് നീൽ സംവിധാനം ചെയ്ത കെജിഎഫിന്റെ രണ്ടു ഭാഗങ്ങളിലും വേഷമിട്ടതോടെ മോഹൻ ഏറെ ശ്രദ്ധനേടി. കെജിഎഫ് രണ്ടാം ഭാഗം വിജയകരമായി പ്രദർശനം തുടരുമ്പോഴാണ് നടന്റെ വിയോഗം.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
