വയനാട് പള്ളിക്കുന്നിൽ അച്ഛനും മകനും കുത്തേറ്റു; പ്രതി ഓടി രക്ഷപ്പെട്ടു.

പള്ളിക്കുന്നിൽ അച്ഛനും മകനും കുത്തേറ്റു. കോട്ടത്തറ പഞ്ചായത്തിലെ 3 -ആം വാർഡിൽ ഉൾപ്പെടുന്ന പുലിമുണ്ട ആദിവാസി കോളനിയിലെ ഗോപി (45), മകൻ അനീഷ്(18) എന്നിവർക്കാണ് കുത്തേറ്റത്. ശനിയാഴ്ച്ച രാത്രിയിലാണ് സംഭവം. മദ്യലഹരിയിൽ എത്തിയ ബാലൻ എന്നയാളാണ് ഇവർക്കു നേരെ അക്രമം അഴിച്ചു വിട്ടതിന് ശേഷം ഓടി രക്ഷപ്പെട്ടത്. അനീഷിനെ കത്തികൊണ്ട് വെട്ടാൻ ശ്രമിച്ചപ്പോൾ പിതാവ് ഗോപി തടയാൻ ശ്രമിക്കുന്നതിനിടയിൽ ഗോപിയ്ക്കും പരിക്കേറ്റു. സംഭവത്തിൽ ഗുരുതര പരിക്കേറ്റ അനീഷ് മേപ്പാടിയിലെ സ്വകാര്യ ആശുപത്രിയിൽ ചികിത്സ തേടി. കമ്പളക്കാട് പോലീസ് സ്ഥലത്തെത്തി കൊലപാതക ശ്രമത്തിന് കേസെടുത്ത് അന്വേഷണം ആരംഭിച്ചു.