തിരുവനന്തപുരം നെയ്യാറ്റിൻകരയിൽ ഗൃഹനാഥൻ തീകൊളുത്തി ആത്മഹത്യയ്ക്ക് ശ്രമിച്ചു

തിരുവനന്തപുരം നെയ്യാറ്റിൻകരയിൽ ഗൃഹനാഥൻ തീകൊളുത്തി ആത്മഹത്യയ്ക്ക് ശ്രമിച്ചു. വെൺപകൽ സ്വദേശി രാജനാണ് ആത്മഹത്യയ്ക്ക് ശ്രമിച്ചത്. തടയാൻ ശ്രമിച്ച ഭാര്യ അമ്പിളിക്കും എസ്ഐ അനിൽകുമാറിനും പൊള്ളലേറ്റു.

ഗുരുതരമായി പൊള്ളലേറ്റ രാജനേയും ഭാര്യയേയും  തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു.

നെയ്യാറ്റിൻകര കോടതിയിൽ അയൽവാസിയായ വസന്തയുമായി രാജന് ഭൂമി സംബന്ധമായ തർക്കം നിലനിന്നിരുന്നു. ഈ ഭൂമിയിൽ അടുത്തിടെ രാജൻ വച്ചുകെട്ടിയ താത്ക്കാലിക ഷെഡ് പൊളിച്ചു മാറ്റാൻ  ഉത്തരവിട്ട കോടതി വിധിയിൽ നടപടി സ്വീകരിക്കാൻ  ഉദ്യോഗസ്ഥർ എത്തിയപ്പോഴായിരുന്നു രാജൻ ആത്മഹത്യയ്ക്ക് ശ്രമിച്ചത്.