എല്‍പിജി കണക്ഷന്‍ എടുക്കാന്‍ ചെലവേറും; സെക്യൂരിറ്റി തുക കൂട്ടി

പാചക വാതക കണക്ഷന്‍ ലഭിക്കുന്നതിനുള്ള സെക്യൂരിറ്റി ഡെപ്പോസിറ്റ് കൂട്ടി. 1450 ല്‍ നിന്ന് 2200 ആയാണ് വര്‍ധിപ്പിച്ചത്. രണ്ടാം സിലിണ്ടറിനും ഇതേ നിരക്കില്‍ സെക്യൂരിറ്റി നല്‍കണം. 750 രൂപയാണ് കൂടിയത്.

14.2 കിലോ സിലിണ്ടര്‍ കണക്ഷന്റെ തുകയാണ് 1,450ല്‍ നിന്ന് 2,200 രൂപയാക്കിയത്. ഇതിനുപുറമേ 5 കിലോ സിലിണ്ടറിന്റെ സെക്യൂരിറ്റി ഡെപ്പോസിറ്റ് തുകയും വര്‍ധിപ്പിച്ചിട്ടുണ്ട്. നിലവില്‍ 800 രൂപയായിരുന്നത് 1,150 രൂപയാക്കി. ഇതിനൊപ്പം ഗ്യാസ് റെഗുലേറ്ററുകളുടെ വിലയും കൂട്ടിയിട്ടുണ്ട്. നേരത്തെ 150 രൂപ ഇടാക്കിയിരുന്ന സ്ഥാനത്ത് ഇനി 250 രൂപ നല്‍കണം.

ഇപ്പോള്‍ 14.2 കിലോ സിലിണ്ടര്‍ കണക്ഷന്‍ എടുക്കുന്ന ഉപഭോക്താവിന് ഒറ്റയടിക്ക് 850 രൂപ അധികം നല്‍കേണ്ടി വരും. 5 കിലോ സിലിണ്ടര്‍ കണക്ഷനായി 450 രൂപയും അധികം നല്‍കേണ്ടി വരും.