കൊവിഡ് വാക്​സിന്‍ കയറ്റുമതിക്ക്​ ഇന്ത്യ വിലക്ക്​ ഏര്‍പ്പെടുത്തിയിട്ടില്ലെന്ന് കേന്ദ്ര സർക്കാർ

കൊവിഡ്​ വാക്​സിന്‍ കയറ്റുമതിക്ക്​ ഇന്ത്യ വിലക്ക്​ ഏര്‍പ്പെടുത്തിയിട്ടില്ലെന്ന്​ വ്യക്തമാക്കി വിദേശകാര്യ മന്ത്രാലയം. വാക്​സിന്‍ കയറ്റുമതി നിരോധിച്ചിട്ടില്ലെന്നു മാത്രമല്ല, 80ല്‍പരം രാജ്യങ്ങളിലേക്ക്​ 6.44 കോടി ഡോസ്​ വാക്​സിന്‍ അയച്ച്‌​ ഇക്കാര്യത്തില്‍ മറ്റു രാജ്യങ്ങളേക്കാള്‍ മുന്നിലാണ്​ ഇന്ത്യയെന്നും മന്ത്രാലയ വക്താവ്​ അരിന്‍ഡം ബഗ്​ചി വിശദീകരിച്ചു.

കയറ്റുമതി ചെയ്​തതില്‍ 104 ലക്ഷം ഡോസ്​ സൗജന്യമാണ്​. 357 ലക്ഷം വാണിജ്യാടിസ്​ഥാനത്തിലും 182 ലക്ഷം കോവാക്​സ്​ സംരംഭത്തിന്റെ ഭാഗമെന്ന നിലയിലുമാണ്​.

‘വാക്​സിന്‍ മൈത്രി’ എന്ന്​ പേരിട്ട ഈ വിതരണം വിജയകരമായിരുന്നുവെന്നും ലോകത്തുടനീളം കൈയടി നേടിയെന്നും വിദേശകാര്യ മന്ത്രാലയ വക്താവ്​ അരിന്ദം ബാഗ്​ചി അവകാശപ്പെട്ടു.