കേരളം
മരംകൊള്ള കേസ്; ക്രൈംബ്രാഞ്ച് അന്വേഷണ സംഘത്തെ രൂപീകരിച്ചു
മരംകൊള്ള കേസ് അന്വേഷിക്കുന്നതിനായി ക്രൈംബ്രാഞ്ച് സംഘത്തെ രൂപീകരിച്ചു. ഐ.ജി സ്പർജൻ കുമാർ മേൽനോട്ടം വഹിക്കുന്ന സംഘമായിരിക്കും അന്വേഷണം നടത്തുക. തൃശൂർ, കോട്ടയം, മലപ്പുറം എസ്.പിമാർക്കാണ് അന്വേഷണ ചുമതല. കേസിലെ ഗൂഢാലോചനയാണ് ക്രൈംബ്രാഞ്ച് അന്വേഷിക്കുക.
നിലവില്‍ മരംമുറി സംബന്ധിച്ച് വനം വകുപ്പ് നടത്തുന്ന പ്രത്യേക അന്വേഷണത്തിന് പുറമെയാണ് ഉന്നതതല അന്വേഷണം പ്രഖ്യാപിച്ചിരിക്കുന്നത്. ക്രൈംബ്രാഞ്ച്, വിജിലന്‍സ്, വനം വകുപ്പുകളാണ് ഉന്നതതല സംഘത്തില്‍ ഉൾപ്പെടുത്തിയിരിക്കുന്നത്. ക്രൈംബ്രാഞ്ച് എ.ഡി.ജി.പി എസ്. ശ്രീജിത്തിന്‍റെ നേതൃത്വത്തിലാണ് അന്വേഷണ സംഘം പ്രവര്‍ത്തിക്കുക.
വിജിലൻസ്, വനം വകുപ്പുകളിൽ നിന്ന് ഉദ്യോഗസ്ഥരെ അന്വേഷണ സംഘത്തിൽ നിയോഗിക്കുമെന്ന് റിപോർട്ടുകൾ പുറത്തുവന്നരിന്നു. ഉടൻതന്നെ ഇക്കാര്യത്തിൽ സര്‍ക്കാര്‍ ഉത്തരവിറങ്ങും. അതിനുശേഷം അന്വേഷണ സംഘം യോഗം ചേര്‍ന്നായിരിക്കും തുടര്‍ നീക്കങ്ങള്‍ തീരുമാനിക്കുക.
