കേരളം
മെഡിക്കല്/ഡെന്റല്; അഖിലേന്ത്യ ക്വോട്ട പ്രവേശന രജിസ്ട്രേഷന് നാളെ തുടങ്ങും
മെഡിക്കല്/ ഡെന്റല് അഖിലേന്ത്യ ക്വോട്ട സീറ്റുകളില് പ്രവേശന രജിസ്ട്രേഷന് നാളെ ആരംഭിക്കും.
അഖിലേന്ത്യ ക്വോട്ടക്ക് പുറമെ കേന്ദ്ര/ കല്പിത സര്വകലാശാലകള്/ ഇ.എസ്.െഎ കോര്പറേഷന് മെഡിക്കല് കോളജുകള്/ എയിംസ്, ജിപ്മെര് എന്നിവയിലെ പ്രവേശനത്തിനും ഇതോടൊപ്പം www.mcc.nic.in എന്ന വെബ്സൈറ്റിലൂടെ നവംബര് രണ്ടിന് വൈകീട്ട് അഞ്ചുവരെ രജിസ്റ്റര് ചെയ്യാം.
കൗണ്സലിങ് ഫീസ് അടയ്ക്കാന് നവംബര് രണ്ടിന് വൈകീട്ട് ഏഴു വരെ സമയമുണ്ടാകും. ഒക്ടോബര് 28 മുതല് നവംബര് രണ്ടിന് രാത്രി 11.59 വരെ ചോയ്സ് ഫില്ലിങ് നടത്താം.
ചോയ്സ് ലോക്കിങ്ങിനുള്ള സമയം അവസാനിക്കുന്നതും നവംബര് രണ്ടിന് 11.59 നാണ്. ആദ്യ റൗണ്ട് അലോട്ട്മെന്റ് നവംബര് അഞ്ചിന് പ്രസിദ്ധീകരിക്കും.
രണ്ടാം റൗണ്ട് അലോട്ട്മെന്റ് രജിസ്ട്രേഷന് നവംബര് 18 മുതലാണ്. അലോട്ട്മെന്റ് നവംബര് 25ന് പ്രസിദ്ധീകരിക്കും. രണ്ട് റൗണ്ടിനു ശേഷം ബാക്കി അഖിലേന്ത്യ ക്വോട്ട സീറ്റുകള് സംസ്ഥാന ക്വോട്ടയിലേക്ക് നല്കും.
രണ്ട് അലോട്ട്മെന്റിനു ശേഷം കേന്ദ്ര/ കല്പിത സര്വകലാശാലകള്/ ഇ.എസ്.െഎ കോര്പറേഷന് മെഡിക്കല് കോളജുകള്/ എയിംസ്/ ജിപ്മെര് എന്നിവയില് ഒഴിവുള്ള സീറ്റുകളിലേക്ക് മോപ് അപ് റൗണ്ട് അലോട്ട്മെന്റ് നടത്തും.