വീട്ടമ്മയില്‍ നിന്ന് പണം പിടിച്ചുപറിച്ച പാതിരി അറസ്റ്റില്‍

വീട്ടമ്മയില്‍ നിന്നും പണം പിടിച്ചുപറിച്ച പാതിരി പിടിയിലായി. കഴിഞ്ഞ ദിവസം പനച്ചമൂട്ടിലാണ് സംഭവം. പനച്ചമൂട്ടിലെ സ്വകാര്യ പണമിടപാട് സ്ഥാപനത്തില്‍ നിന്നും സ്വര്‍ണം പണയം വച്ച പണവുമായി പുറത്തിറങ്ങിയ വീട്ടമ്മയില്‍ നിന്നും പണം പിടിച്ചുപറിച്ച്‌ രക്ഷപ്പെടാന്‍ ശ്രമിച്ച ഇയാളെ നാട്ടുകാര്‍ പിടികൂടുകയായിരുന്നു. കാഞ്ഞിരംകുളം ചാവടി മണല്‍ത്തട്ട് ബഥനി കോട്ടേജില്‍ ഷിബു എസ്. (42) ആണ് പിടിയിലായത്. നാട്ടുകാര്‍ അറിയിച്ചതിനെത്തുടര്‍ന്ന് വെള്ളറട പോലീസെത്തി ഇയാളെ കസ്റ്റഡിയിലെടുത്തു. മറ്റു തട്ടിപ്പ് കേസുകളില്‍ ഇയാള്‍ക്ക് ബന്ധമുണ്ടോയെന്ന് അന്വേഷിച്ചുവരികയാണെന്ന് പോലീസ് പറഞ്ഞു.