കേരളം
സംസ്ഥാനത്ത് മദ്യശാലകള്‍ ഇന്ന് തുറക്കും
സംസ്ഥാനത്ത് ഇന്ന് മദ്യ വിൽപ്പന ശാലകൾ തുറക്കും. പുതിയ നിയന്ത്രണങ്ങളുടെ ഭാഗമായി വാരാന്ത്യ ലോക്ഡൗൺ പിൻവലിച്ചതോടെയാണ് മദ്യശാലകൾ തുറക്കുന്നത്. രാവിലെ 9 മുതൽ വെെകീട്ട് 7 മണി വരെയായിരിക്കും പ്രവർത്തനം.
ബാറുകൾ , ബിവറേജുകൾ, കൺസ്യൂമർഫെഡ് ഔട്ട്‌ലെറ്റുകൾ എന്നിവ തുറക്കും. നേരത്തെ ശനിയും ഞായറും വാരാന്ത്യ ലോക്ഡൗൺ ആയതിനാൽ മദ്യശാലകൾ തുറന്നിരുന്നില്ല. വാരാന്ത്യ ലോക്ഡൗൺ ഞായറാഴ്ച മാത്രമാക്കി ചുരുക്കിയെങ്കിലും ശനിയാഴ്ച മദ്യശാലകൾ തുറക്കുന്നതുമായി ബന്ധപ്പെട്ട് ആശയക്കുഴപ്പം ഉണ്ടായിരുന്നു. എന്നാൽ വൈകീട്ടോടെ മദ്യശാലകൾ തുറക്കാമെന്ന് അറിയിച്ച് റീജനൽ മാനേജർമാർ നിർദ്ദേശം നൽകി.
അതേസമയം കൊറോണ വ്യാപനത്തിന്റെ പശ്ചാത്തലത്തിൽ മദ്യവിൽപ്പന ശാലകൾ തുറന്നു പ്രവർത്തിക്കുന്നത് വലിയ എതിർപ്പാണ് ഉളവാക്കുന്നത്. ഇതിനിടെയാണ് ശനിയാഴ്ചയും മദ്യശാലകൾ തുറക്കുന്നത്. മെഡിക്കൽ സ്റ്റോറുകൾ ഉൾപ്പെടെ നിയന്ത്രണങ്ങൾ കർശനമായി പാലിക്കുമ്പോൾ സാമൂഹിക അകലം പോലും ഇല്ലാതെയാണ് മദ്യശാലകളുടെ പ്രവർത്തനം.
