കേരളം
കേരള സര്‍വകലാശാല വിസി നിയമനം; സെനറ്റ് യോഗം മറ്റന്നാള്‍
കേരള സര്‍വകലാശാല വൈസ് ചാന്‍സലര്‍ നിയമന സെര്‍ച്ച് കമ്മിറ്റിയിലേക്കു സെനറ്റ് പ്രതിനിധിയെ തെരഞ്ഞെടുക്കാനുള്ള യോഗം ചൊവ്വാഴ്ച ചേരും. പതിനൊന്നിന് മുമ്പ് സെനറ്റ് പ്രതിനിധിയെ തെരഞ്ഞെടുക്കണമെന്ന് ഗവര്‍ണര്‍ അന്ത്യശാസനം നല്‍കിയിരുന്നു.
തെരഞ്ഞെടുപ്പ് മാത്രാമാണ് രാവിലെ പത്തുമണിക്ക് വിളിച്ച ചേര്‍ത്ത യോഗത്തിന്റെ അജണ്ട. ഇതു സംബന്ധിച്ച നോട്ടിസ് വിസി വിപി മഹാദേവന്‍പിള്ള അംഗങ്ങള്‍ക്ക് അയച്ചു.
അതേസമയം, കഴിഞ്ഞ സെനറ്റിലെ നിലപാട് പുനഃപരിശോധിക്കേണ്ടതില്ലെന്നു ഭരണകക്ഷി അംഗങ്ങളും അജന്‍ഡ പ്രകാരം പ്രതിനിധിയെ തെരഞ്ഞെടുക്കണമെന്നു പ്രതിപക്ഷ അംഗങ്ങളും ആവശ്യപ്പെടുമെന്നാണു റിപ്പോര്‍ട്ടുകള്‍. വിസിയുടെ കാലാവധി ഒക്ടോബര്‍ 24ന് അവസാനിക്കും.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
