കേരളം
സംസ്ഥാനത്ത് സ്വര്‍ണവിലയിൽ നേരിയ ഇടിവ് | Gold Price
സംസ്ഥാനത്ത് കഴിഞ്ഞ രണ്ട് ദിവസങ്ങളില്‍ തുടര്‍ച്ചയായി മാറ്റമില്ലാതിരുന്ന സ്വര്‍ണവിലയില്‍ ഇടിവ് രേഖപ്പെടുത്തി. ചൊവ്വാഴ്ച ഒരു ഗ്രാം 22 കാരറ്റ് സ്വര്‍ണത്തിന് 10 രൂപയും ഒരു പവന്‍ 22 കാരറ്റിന് 80 രൂപയുമാണ് ഇടിവ് രേഖപ്പെടുത്തിയത്. ചൊവ്വാഴ്ച ഒരു ഗ്രാം 22 കാരറ്റ് സ്വര്‍ണത്തിന് 5585 രൂപയിലും ഒരു പവന്‍ 22 കാരറ്റിന് 44680 രൂപയിലുമാണ് വ്യാപാരം നടക്കുന്നത്.
ചൊവ്വാഴ്ച ഒരു ഗ്രാം 18 കാരറ്റ് സ്വര്‍ണത്തിന് 10 രൂപയും ഒരു പവന്‍ 18 കാരറ്റിന് 80 രൂപയുമാണ് ഇടിവ് രേഖപ്പെടുത്തിയത്. ചൊവ്വാഴ്ച ഒരു ഗ്രാം 18 കാരറ്റ് സ്വര്‍ണത്തിന് 4650 രൂപയിലും ഒരു പവന്‍ 18 കാരറ്റിന് 37200 രൂപയിലുമാണ് വ്യാപാരം നടക്കുന്നത്.
അതേസമയം, ചൊവ്വാഴ്ച വെള്ളി വിലയില്‍ മാറ്റമില്ല. 81 രൂപയാണ് ചൊവ്വാഴ്ച ഒരു ഗ്രാം സാധാരണ വെള്ളിയുടെ വിനിമയ നിരക്ക്. ഒരു ഗ്രാം ഹാള്‍മാര്‍ക് വെള്ളിയുടെ വില 103 രൂപയാണ്.
തിങ്കളാഴ്ച ഒരു ഗ്രാം 22 കാരറ്റ് സ്വര്‍ണത്തിന് 5595 രൂപയിലും ഒരു പവന്‍ 22 കാരറ്റിന് 44760 രൂപയിലുമാണ് വ്യാപാരം നടന്നത്. തിങ്കളാഴ്ച ഒരു ഗ്രാം 18 കാരറ്റ് സ്വര്‍ണത്തിന് 4660 രൂപയിലും ഒരു പവന്‍ 18 കാരറ്റിന് 37280 രൂപയിലുമാണ് വ്യാപാരം നടന്നത്. തിങ്കളാഴ്ച വെള്ളി വിലയിലും മാറ്റമില്ലായിരുന്നു. 81 രൂപയായിരുന്നു തിങ്കളാഴ്ച ഒരു ഗ്രാം വെള്ളിയുടെ വിനിമയ നിരക്ക്. ഒരു ഗ്രാം ഹാള്‍മാര്‍ക് വെള്ളിയുടെ വില 103 രൂപയുമായിരുന്നു.
ശനിയാഴ്ച ഒരു ഗ്രാം 22 കാരറ്റ് സ്വര്‍ണത്തിന് 70 രൂപയും ഒരു പവന്‍ 22 കാരറ്റിന് 560 രൂപയുമാണ് ഇടിവ് രേഖപ്പെടുത്തിയത്. ഒരു ഗ്രാം 22 കാരറ്റ് സ്വര്‍ണത്തിന് 5595 രൂപയിലും ഒരു പവന്‍ 22 കാരറ്റിന് 44760 രൂപയിലുമാണ് ശനിയാഴ്ചയും ഞായറാഴ്ചയും വ്യാപാരം നടന്നത്.
44000 ത്തില്‍ തുടങ്ങി 45320 വരെ എത്തിയ കണക്കാണ് ഏപ്രില്‍ മാസത്തില്‍ സ്വര്‍ണവിലയില്‍ പ്രകടമായത്. ഒരു പക്ഷേ, ഒരു പവന്‍ സ്വര്‍ണത്തിന് അര ലക്ഷത്തിലേക്ക് എത്താനുള്ള സാധ്യതയും ചില വിപണി നിരീക്ഷകര്‍ ചൂണ്ടിക്കാട്ടിയിരുന്നു. വിപണിയിലെ അസ്ഥിരതയാണ് ഇതിന് കാരണം. നിക്ഷേപകര്‍ ഇത്തരം സാഹചര്യത്തില്‍ സ്വര്‍ണം വാങ്ങിക്കൂട്ടുകയാണ് ചെയ്യുക.
വരും ദിവസങ്ങളില്‍ പക്ഷേ നേരിയ വില വര്‍ധവിന് സാധ്യതയുണ്ടെന്ന് പറയപ്പെടുന്നു. ആഗോള തലത്തിലുള്ള കാരണങ്ങളല്ല ഇതിന് പിന്നില്‍. അക്ഷയ തൃതീയ വരുന്നതിനാല്‍ വിശ്വാസപരമായി ഒട്ടേറെ പേര് സ്വര്‍ണം വാങ്ങാന്‍ താല്‍പ്പര്യം കാണിക്കും. സാമ്പത്തിക അഭിവൃദ്ധിക്ക് ഇത് കാരണമാകുമെന്ന് പറയപ്പെടുന്നു. കൂട്ടത്തോടെ സ്വര്‍ണം വാങ്ങുന്ന സാഹചര്യമുണ്ടായാല്‍ വില ഉയര്‍ന്നേക്കും.
മാത്രമല്ല, നോമ്പ് മാസം കഴിയുകയാണ്. ഇനി കൂടുതല്‍ വിവാഹങ്ങളും ആഘോഷ പരിപാടികളും നടക്കാനുള്ള സാധ്യതയുണ്ട്. ഇതും സ്വര്‍ണത്തിന് ആവശ്യക്കാര്‍ ഏറാന്‍ കാരണമാകും. ഇതെല്ലാം ഇന്ത്യയിലെ ആഭ്യന്തര വിപണിയില്‍ പ്രതിഫലിക്കുന്ന ഘടകങ്ങളാണ്.
