കേരളം
കണ്ണൂര്‍ മെഡിക്കല്‍ കോളേജില്‍ വിതരണം ചെയ്ത പി.പി.ഇ കിറ്റുകളില്‍ ചോരക്കറ
കണ്ണൂര്‍: പരിയാരം മെഡിക്കല്‍ കോളേജില്‍ വിതരണം ചെയ്ത പി.പി.ഇ കിറ്റുകളില്‍ ചോരക്കറ. നേരത്ത ഉയോഗിച്ച കിറ്റുകളാവാം ഇതെന്നാണ് പ്രാഥമിക സൂചന. ഞായറാഴ്ച രാവിലെ നഴ്‌സുമാര്‍ക്ക് വിതരണം ചെയ്യുന്നതിനു വേണ്ടി പാക്കറ്റ് പൊളിച്ചപ്പോഴാണ് ജാക്കറ്റില്‍ ചോരക്കറ കണ്ടെത്തിയത്. ആദ്യം ഇത്തരത്തിലുള്ള ഒരെണ്ണമാണ് ശ്രദ്ധയില്‍പ്പെട്ടതെങ്കിലും പിന്നീട് പത്തോളം കിറ്റുകളില്‍ ചോരക്കറ കണ്ടെത്തി. കേരളത്തില്‍ സര്‍ക്കാര്‍ ആശുപത്രികളില്‍ പി.പി.ഇ കിറ്റുകള്‍ വിതരണം ചെയ്യുന്നത് കേരള മെഡിക്കല്‍ സര്‍വീസസ് കോര്പ്പറേഷന് വഴിയാണ്. എന്നാല്‍, കോര്പ്പറേഷന് ഇതില്‍ ഉത്തരവാദിത്വമില്ലെന്നാണ് പറയപ്പെടുന്നത്. പായ്ക്ക് ചെയ്ത പി.പി.ഇ കിറ്റുകള്‍ തിരുവനന്തപുരത്ത് കേന്ദ്രീകൃത രീതിയില്‍ വാങ്ങുകയും അവ വിതരണം ചെയ്യുകയും മാത്രമാണ് മെഡിക്കല്‍ സര്‍വീസസ് കോര്പ്പറേഷന് ചെയ്യുന്നത്. എന്നാല്‍ പരിയാരം മെഡിക്കല്‍ കോളേജ് അധികൃതര്‍ ഇക്കാര്യം ഗൗരവമായാണ് എടുക്കുന്നത്. ഇതേപ്പറ്റി അന്വേഷണം ആരംഭിച്ചിട്ടുണ്ട്….
