കേരളം
സംസ്ഥാനത്ത് മഴയ്ക്ക് സാധ്യത; 5 ജില്ലകളില്‍ യെല്ലോ അലേര്‍ട്ട്
സംസ്ഥാനത്ത് മഴയ്ക്ക് സാധ്യത. അടുത്ത 5 ദിവസം സംസ്ഥാനത്ത് 5 ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. ജൂലൈ 5,6,7 തീയതികളിലാണ് യെല്ലോ അലേര്‍ട്ട് പ്രഖ്യാപിച്ചിരിക്കുന്നത്. ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍ എന്നീ ജില്ലകളിലാണ് യെല്ലോ അലേര്‍ട്ട്.
ജൂലൈ 5 ആലപ്പുഴ, ജൂലൈ 6 ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, ജൂലൈ 7 ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍ എന്നീ ജില്ലകളില്‍ മഞ്ഞ അലേര്‍ട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കാന്‍ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
അതേസമയം ജൂലൈ മാസത്തില്‍ രാജ്യത്ത് മഴ സാധാരണ തോതില്‍ ആയിരിക്കുമെന്ന് കേന്ദ്ര കാലാവസ്ഥാ വകുപ്പ് പറഞ്ഞു . വടക്കുപടിഞ്ഞാറ്, തെക്കന്‍ ഉപദ്വീപ്, മധ്യ- കിഴക്കന്‍ ഇന്ത്യയിലെ ചില പ്രദേശങ്ങള്‍ എന്നിവിടങ്ങളില്‍ സാധാരണ മഴയേക്കാള്‍ കുറവായിരിക്കുമെന്ന് കേന്ദ്ര കാലാവസ്ഥാ വകുപ്പ് ഡയറക്ടര്‍ ജനറല്‍ മൃത്യുഞ്ജയ് മോഹന്‍പത്ര പറഞ്ഞു.
മണ്‍സൂണ്‍ ശക്തമാകുന്ന ജൂലൈ മാസത്തില്‍ തെക്കന്‍ കേരളം, ആന്ധ്രാപ്രദേശിന്‍റെ വടക്കു പടിഞ്ഞാറ്, കൊങ്കണ്‍, മഹാരാഷ്ട്രയിലെ വിദര്‍ഭ, വടക്കന്‍ ഗുജറാത്ത്, വടക്കന്‍ രാജസ്ഥാന്‍, ഡല്‍ഹി, ഹരിയാന, പഞ്ചാബ്, വടക്കന്‍ ഉത്തര്‍പ്രദേശ്, വടക്കന്‍ ഒഡീഷ, പശ്ചിമ ബംഗാള്‍, തെക്കന്‍ സിക്കിം, അരുണാചല്‍ പ്രദേശ് എന്നിവിടങ്ങളില്‍ സാധാരണയില്‍ താഴെയാകും മഴയെന്ന് കേന്ദ്ര കാലാവസ്ഥാ വകുപ്പ് (അറിയിച്ചു.
