കേരളം
കൊവിഡ് പ്രതിസന്ധിയിൽ ട്രാൻസ്ജെൻഡർ വ്യക്തികൾക്ക് 1500 രൂപ സർക്കാർ ധനസഹായം; അപേക്ഷിക്കേണ്ടതിങ്ങനെ
കൊവിഡ് പ്രതിസന്ധിയിൽ ട്രാൻസ്ജെൻഡർ സമൂഹത്തിന് കൈത്താങ്ങായി സർക്കാരിന്റെ ധനസഹായം. ഉപജീവനമാർഗം തടസ്സപ്പെട്ട ട്രാൻസ്ഡെൻഡറുകൾക്ക് 1,500 രൂപ വീതമാണ് സർക്കാർ ധനസഹായമായി നൽകുക. രാജ്യത്തെ നിലവിലെ സാഹചര്യം കണക്കിലെടുത്ത് ട്രാൻസ്ജെൻഡർ കമ്മ്യൂണിറ്റിയിലെ അംഗങ്ങൾ സഹായവും പിന്തുണയും അഭ്യർത്ഥിച്ച് സർക്കാരിനെ സമീപിച്ചിരുന്നു.
ഇതേ തുടർന്നാണ് ട്രാൻസ്‌ജെൻഡറുകളുടെ ക്ഷേമത്തിനായി കേന്ദ്ര സാമൂഹിക നീതി, ശാക്തീകരണ മന്ത്രാലയം ഓരോ ട്രാൻസ്ജെൻഡർ വ്യക്തിക്കും അടിസ്ഥാന ആവശ്യങ്ങൾ നിറവേറ്റുന്നതിനായി 1,500 രൂപ ഉപജീവന അലവൻസ് നൽകാൻ തീരുമാനിച്ചത്.
രാജ്യത്തെ ഏതൊരു ട്രാൻസ്ജെൻഡർ വ്യക്തിക്കും അവർക്കായി പ്രവർത്തിക്കുന്ന സിബിഒയ്ക്കും സർക്കാരിന്റെ ഈ സാമ്പത്തിക സഹായത്തിന് അപേക്ഷിക്കാം. ഇതിനായി അടിസ്ഥാന വിവരങ്ങൾ, ആധാർ നമ്പർ, ബാങ്ക് അക്കൗണ്ട് നമ്പർ എന്നിവ പൂരിപ്പിച്ച് ഫോം സർപ്പിച്ചാൽ മാത്രം മതി.
സാമൂഹ്യനീതി, ശാക്തീകരണ മന്ത്രാലയത്തിന് കീഴിലുള്ള സ്വയംഭരണ സ്ഥാപനമായ നാഷണൽ ഇൻസ്റ്റിറ്റ്യൂട്ട് ഓഫ് സോഷ്യൽ ഡിഫൻസിന്റെ വെബ്‌സൈറ്റിൽ ഈ ഫോം ലഭ്യമാണ്.
